கமல், ஷாருக் கான் முன்னிலையில் சூர்யாவின் அஞ்சான் டீசர்

விஜய் விருது விழாவில்

விஜய் தொலைக்காட்சியின் திரைப்பட விருதுகள் வழங்கும் விழா சென்னை நேரு உள் விளையாட்டு அரங்கில் நடைபெற உள்ளது. பிரபல நட்சத்திரங்கள் பங்கேற்றும் இந்த விழாவில் அஞ்சான் படத்தின் டீசர் வெளியாகும் என யுடிவியின் தனஞ்ஜெயன் கோவிந்த் தன்னுடைய டுவிட்டர் பக்கத்தில் செய்தி வெளியிட்டுள்ளார்.

கமல், ஷாருக்

இந்த விருதுகள் வழங்கும் விழாவில் கமல்ஹாசன், ஷாருக்கான் ஆகியோர் சிறப்பு அழைப்பாளர்களாக பங்கேற்க உள்ளனர். அவர்கள் முன்னிலையில் சூர்யாவின் அஞ்சான் டீசர் வெளியாக உள்ளது.

10 மணிக்கு யு டியூப்பில்

இதனிடையே இன்று இரவு பத்துமணிக்கு யுடியூப்பில் அஞ்சான் டீசர் வெளியிடப்பட உள்ளது.

ஆடியோ ரிலீஸ்

அஞ்சான் படத்தின் ஆடியோ ரிலீஸ் இம்மாதம் 17ம் தேதி நடைபெற உள்ளதாக அதிகாரப்பூர்வ தகவல்கள் வெளியாக உள்ளன. அஞ்சான் படத்தின் மூலம் சூர்யா பாடகராகவும் அறிமுகமாகியுள்ளார் என்பது குறிப்பிடத்தக்கது.

சிங்கம் 2 போல வருமா?

கடந்த வருடம் இதே தேதியில் சூர்யாவின் ‘சிங்கம்-2' ரிலீஸ் ஆகி வெற்றிப்பெற்றது குறிப்பிடத்தக்கது. எனவே அஞ்சான் படத்தின் டீசர் மிகுந்த வரவேற்பைப் பெறும் என எதிர்பார்க்கப்படுகிறது.