ஷாஜகான் படத்தில் நடித்த நடிகருக்கே கெட் அவுட்டா? விஜய் வீட்டுக்கு போனவருக்கு இதுதான் நிலைமையா?

ஷாஜகான் நடிகர்

இயக்குநர் கே.எஸ். ரவி இயக்கத்தில் கடந்த 2001ம் ஆண்டு வெளியான ஷாஜகான் படத்தில் இன்னொரு ஹீரோவாகவே நடித்திருப்பார் நடிகர் கிருஷ்ணா திவாகர். ஹீரோயின் ரிச்சா பாலோட் கடைசியில் விஜய்யை விரும்பவில்லை நடிகர் கிருஷ்ணா திவாகரைத் தான் விரும்புகிறார் என்பதை தெரிந்ததும் உடைந்து போகும் விஜய் தனது காதலியின் காதலை சேர்த்து வைப்பது போல அந்த படத்தை இயக்குநர் காதலுடன் கலந்து உருவாக்கி இருப்பார்.

நடிக்கவில்லை

ஆனால், ஷாஜகான் படத்திற்கு பிறகு கிருஷ்ணா திவாகர் எந்த படத்திலும் நடிக்கவில்லை. படிப்பில் கவனம் செலுத்தி விட்டேன் என்றும் சமீப காலமாக மலையாள படங்களில் நடித்து வருகிறேன் என்றும் சமீபத்தில் அவர் அளித்த பேட்டி டிரெண்டாகி வருகிறது. மேலும், அதில், விஜய் வீட்டுக்கு போய் அங்கே அவருக்கு ஏற்பட்ட அந்த மோசமான அனுபவத்தையும் அவர் பகிர்ந்துள்ளது ரசிகர்களை அதிர்ச்சியில் ஆழ்த்தி உள்ளது.

விஜய் வீட்டில் அனுமதிக்கவில்லை

மலையாளத்தில் கிடைப்பதை போல தமிழில் வாய்ப்புகள் கிடைக்கவில்லை. அதனால், நடிகர் விஜய்யை சந்திக்கலாம் என நினைத்து அவரது வீட்டுக்கு சென்றேன். ஆனால், விஜய்யின் வீட்டில் தன்னை அனுமதிக்கவில்லை என விரக்தியடைந்த நிலையில், ஷாஜகான் நடிகர் பேசியது பரபரப்பை கிளப்பி உள்ளது.

இப்போ அவரு பீஸ்ட் விஜய்

நடிகர் விஜய்யின் வீட்டுக்கு சென்ற போது, அவரது செக்யூரிட்டியிடம் நான் ஷாஜகான் படத்தில் நடித்தவர் விஜய்யை சந்திக்க அனுமதி கிடைக்குமா? எனக் கேட்டேன். அதற்கு அந்த செக்யூரிட்டி அவர் இப்போ பீஸ்ட் விஜய் எனக் கூறி தன்னை வீட்டிற்குள் அனுமதிக்க மறுத்து விட்டார் எனக் கூறியுள்ளார். எப்படியாவது விரைவில் நடிகர் விஜய்யை சந்திப்பேன் என எதிர்பார்த்து காத்திருக்கிறேன். மேலும், கூடிய சீக்கிரம் தமிழிலும் நடிப்பேன் எனக் கூறியுள்ளார்.