லேடீஸ் நாட் அலவ்டு.. அடப்பாவமே ஷகிலாவுக்கே இந்த நிலைமையா? சோகத்தில் ரசிகர்கள்!

ஷகீலாவின் லேடீஸ் நாட் அலவ்டு

தற்போது தனது கஷ்டத்தில் இருந்து மீண்டு வந்து ‘லேடீஸ் நாட் அலவ்டு' என்ற படத்தை தயாரித்து நடித்துள்ளார். இந்த படத்திற்கு இன்னும் சென்சார் சான்று கிடைக்காததால், படம் ரிலீஸ் ஆவதில் சிக்கல் எழுந்துள்ளது. இரண்டு முறை சென்சாருக்கு அனுப்பியும் சான்று கிடைக்கவில்லை.

அடல்ட்ஸ் காமெடி

இதுகுறித்து ஊடகம் ஒன்றிற்கு பேட்டி அளித்துள்ள நடிகை ஷகீலா," லேடீஸ் நாட் அலவ்டு படத்தை நாங்கள் அடல்ட்ஸ் ஒன்லி படமாக தான் எடுத்திருக்கிறோம். ஆரம்பத்தில் இருந்தே அதை தெளிவாக தெரிவித்து வருகிறோம். இது குடும்பப் படம் அல்ல என்பதை தெளிவுபடுத்தி இருக்கிறோம்.

சென்சார் பிரச்சினை

அப்படி இருந்தும் எங்கள் படத்திற்கு சென்சார் சான்று வழங்க மறுக்கிறார்கள். மற்ற அடல்ட் காமெடி படங்களுக்கெல்லாம் எந்த பிரச்னையும் இல்லாமல் சென்சார் போர்டு சான்று வழங்குகிறது. ஆனால் லேடீஸ் நாட் அலவ்டு படத்தை மட்டும் ரிலீஸ் செய்ய விடாமல் தடுக்கிறார்கள்.

லஞ்சம் கேட்கிறார்கள்

படத்துக்கு சான்றிதழ் வழங்க சில சென்சார் போர்டு அதிகாரிகள் லஞ்சம் கேட்பதாக என்னிடம் சொன்னார்கள். இந்த படத்தை நாங்கள் கடன் வாங்கி தான் எடுத்திருக்கிறோம். பல பேருடைய உழைப்பும், முதலீடும் இந்த படத்தில் இருக்கிறது", என ஷகீலா கூறியுள்ளார்.

ரசிகர்கள் சோகம்

ஷகீலாவின் லேடீஸ் நாட் அலவ்டு படத்தை அவரது ரசிகர்கள் பெரிதும் எதிர்பார்த்து காத்திருக்கின்றனர். ஆனால் அப்படம் பல்வேறு பிரச்சினைகளால் ரிலீசாகாமல் தள்ளிப் போவது அவர்களை சோகமடைய வைத்துள்ளது.