ஷமிதாப்... அனேகன்... அடுத்தடுத்து இரண்டு தனுஷ் படங்கள்!

தனுஷுக்கு இந்த ஆண்டு தொடக்கமே அமோகமாக அமைந்துவிட்டது. கடந்த ஆண்டு வேலையில்லா பட்டதாரி என்ற பிரமாண்ட ஹிட் கொடுத்தவருக்கு, இந்த ஆண்டு அடுத்தடுத்து இரு பெரிய படங்கள் வெளியாக உள்ளன. அதுவும் ஒரு வார இடைவெளியில்.

நாடே பெரிதும் எதிர்ப்பார்த்திருக்கும் ஷமிதாப் படம் வரும் பிப்ரவரி 6-ம் தேதி பெரிய அளவில் வெளியாகிறது. பால்கி இயக்கம், இளையராஜா இசை, அமிதாப் நடிப்பு என ஜாம்பவான்கள் இணைந்துள்ள படம்.

இந்தப் படம் வெளியான ஒரு வாரம் கழித்து கே வி ஆனந்த் இயக்கத்தில் தனுஷ் நடித்துள்ள அனேகன் வெளியாகிறது. இந்தப் படத்தின் பாடல்கள் ஏற்கெனவே பெரிய ஹிட். எனவே இந்தப் படத்துக்கும் நல்ல எதிர்ப்பார்ப்பு உள்ளது.

இந்தியில் ஒரு பெரிய படம், தமிழில் அதற்கு நிகரான படம் என ஒரே வாரத்தில் இரண்டு படங்கள் வெளியாவது தனுஷின் கேரியரில் முக்கிய நிகழ்வுகளாகப் பார்க்கப்படுகிறது.