'விஐபி'யில் தனுஷ் நச், அனிருத் முறுக் இசை, வெல்டன் வேல்ராஜ்: இயக்குனர் ஷங்கர் பாராட்டு

சென்னை: தனுஷ் நடிப்பில் வெளியான வேலையில்லா பட்டதாரி படத்தை இயக்குனர் ஷங்கர் பாராட்டியுள்ளார்.

வேல்ராஜ் இயக்கத்தில் தனுஷ், அமலா பால் நடிப்பில் வெளியான வேலையில்லா பட்டதாரி படம் ரசிகர்களை வெகுவாக கவர்ந்துள்ளது. இதனால் வசூல் படத்தின் தயாரிப்பாளரான தனுஷின் முகத்தில் புன்னகையை வரவழைத்துள்ளது.

இந்நிலையில் கோலிவுட்டில் பல காலம் முன்னணி இயக்குனராக உள்ள ஷங்கர் வேலையில்லா பட்டதாரி படத்தை பார்த்துள்ளார். படத்தை பார்த்த ஷங்கர் அது குறித்து ட்விட்டரில் தனது கருத்தை தெரிவித்துள்ளார்.

ட்விட்டரில் ஷங்கர் கூறியிருப்பதாவது,

விஐபி பார்த்தேன். படத்தை மிகவும் ரசித்து பார்த்தேன். தனுஷ் நச் நடிப்பு, அனிருத் முறுக் இசை வெல்டன் வேல்ராஜ். நீண்ட காலம் கழித்து ரசிகர்களை திருப்திபடுத்தும் படம் வந்துள்ளது என்று தெரிவித்துள்ளார்.