பெரிய சம்பவம் இருக்கு போல.. இந்தியன் 2வில் குஜராத்தி பேசும் கமல்!

இந்தியன் 2

20 ஆண்டுகளுக்குப் பிறகு ஷங்கர் மற்றும் கமல் மீண்டும் இணைந்துள்ளனர். இந்தியன் படம் தமிழ் சினிமாவில் வரலாறு காணாத வெற்றியை படைத்த நிலையில், இந்தியன் 2 இன்னும் பிரம்மாண்டமாக உருவாகி வருகிறது. இதில், 90 வயது சேனாபதி கதாபாத்திரத்தில் கமல் நடித்து வருகிறார். காஜல், அகர்வால், பிரியா பவானி சங்கர், ரகுல் ப்ரீத் சிங், சித்தார்த், பாபி சிம்ஹா உள்ளிட்ட பலர் இந்தியன் 2வில் நடித்து வருகின்றனர்.

உங்கள் நான்

கடந்த ஞாயிற்றுக்கிழமை தமிழ் திரையுலகமே ஒன்றுகூடி உலக நாயகன் கமல்ஹாசனுக்கு மரியாதை செலுத்தியது. இந்த விழாவில் தன்னை செதுக்கிய 60 ஆளுமைகள் குறித்து நடிகர் கமல் கூறினார். கமலுக்காக இசைஞானி இளையராஜா ஸ்பெஷல் கச்சேரி ஒன்றையும் நடத்தி ரசிகர்களை உற்சாகப்படுத்தினார்.

என்ன மொழி

'கமல் 60' நிகழ்ச்சியில் கலந்து கொண்டு பேசிய இயக்குநர் ஷங்கர், கமல்ஹாசன் குறித்து சில சுவாரஸ்ய தகவல்களை பகிர்ந்து கொண்டார். பின்னர், இந்தியன் 2 படத்தில் கமல்ஹாசன், குஜராத் மொழி பேசியுள்ளதாகவும் கூறினார். இந்தியன் 2 படத்தின் ஷூட்டிங் போபால், குவாலியர் உள்ளிட்ட இடங்களில் நடந்து வருவதால், குறிப்பிட்ட சில காட்சிகளில் கமல்ஹாசன் குஜராத் மொழியில் பேசி நடித்துள்ளாராம்.

கமல் அசத்தல்

இயக்குநர் ஷங்கர் கமல், இந்தியன் 2 படத்தில் குஜராத் மொழி பேசியுள்ளதை ரிவீல் செய்த நிலையில், மேடையிலிருந்த கமல்ஹாசன், குஜராத் மொழியில் சில வார்த்தைகளை பேசி அசத்தினார். இந்தியன் படம் தமிழ்நாட்டு அரசியலை பேசிய நிலையில், இந்தியன் 2 படம் இந்தியளவில் அரசியலை பேசும் என எதிர்பார்க்கப்படுகிறது.