சீனா போகும் இயக்குநர் ஷங்கர்!

இயக்குநர் ஷங்கரின் ஒவ்வொரு படம் ஆரம்பிக்கும்போதும், இந்தப் படம் சீனாவில் படமாகப் போகிறது என செய்திகள் வரும். ஏற்கெனவே ஜீன்ஸ் படத்துக்காக ஒரு காட்சியை சீனாவில் ஷூட் செய்தவர் ஷங்கர்.

ஆனால் அந்தப் படத்துக்குப் பிறகு அவர் எந்தப் படத்துக்கும் சீனா போகவில்லை. இந்த முறை ஐ படத்துக்காக சீனா போகிறார். ஒரு நாள் இரண்டு நாட்கள் அல்ல... தொடர்ந்து 45 நாட்கள் அங்கே ஷூட்டிங் நடத்துகிறார் ஷங்கர்.

அவருடன் நாயகன் விக்ரம், நாயகி எமி, ஒளிப்பதிவாளர் பிசி ஸ்ரீராம் உள்பட 60 பேர் கொண்ட குழுவினர் சீனாவுக்குப் போகிறார்கள். சந்தானமும் உடன் செல்கிறார்.

ஆஸ்கர் ரவிச்சந்திரன் தயாரிக்கும் இந்தப் படத்தின் இசையை ஏ ஆர் ரஹ்மான் அமைக்கிறார். முதல் ஷெட்யூல் சென்னையில் நடந்து முடிந்துள்ளது.

முழுக்க முழுக்க ரொமான்டிக் த்ரில்லராக இந்தப் படம் உருவாகி வருகிறது.