வேறு நிறுவனத்துக்கு கைமாறுகிறதா ஷங்கரின் ஐ?

ஷங்கர் இயக்கத்தில் விக்ரம் நடித்து வரும் ஐ படம் குறித்து ஏகப்பட்ட எதிர்மறைச் செய்திகள்.

படம் நிதிப் பற்றாக்குறையால் தடுமாறுவதாக கடந்த ஆறேழு மாதங்களாக செய்திகள். படத்தின் ஷூட்டிங் முடியும் முன்னரே ஹீரோயின் எமி ஜாக்ஸன் கம்பி நீட்டிவிட்டார் என்று இன்னொரு செய்தி.

ஆனால் இன்னொரு பக்கம் பிரமாண்ட ஆடியோ ரிலீசுக்கு தயாரிப்பாளர் ஆஸ்கர் ரவிச்சந்திரன் ஏற்பாடு செய்து வருவதாக தகவல் கசிந்தது.

இந்த நிலையில் படத்தை வேறு பெரிய நிறுவனத்துக்குக் கைமாற்றிவிடலாம் என இயக்குநர் ஷங்கர் யோசனை கூறியுள்ளாராம்.

ரிலையன்ஸ் மாதிரி ஒரு நிறுவனத்துக்கு படத்தை மொத்தமாகக் கைமாற்றிவிடுங்கள், அட்லீஸ் ஜூலையிலாவது படத்தை வெளியிட்டுவிடலாம் என்று கோரிக்கை வைத்துள்ளாராம் ஷங்கர்.

இந்தப் படம் மே மாதமே வெளியாகும் என்று ஷங்கர் அறிவித்திருந்தார். ஆனால் இன்னும் ஷூட்டிங்கே முடியவில்லை என்பது குறிப்பிடத்தக்கது.