கணவனும் மனைவியும் சேர்ந்து.. எப்படி ஆடி இருக்காங்க பாருங்க.. வைரலாகும் ‘வாத்தி கம்மிங்’ டான்ஸ்!

செம குத்து

கீக்கீ விஜய்யின் நடன பள்ளியில் வாத்தி கம்மிங் ஸ்டெப் சேலஞ்ச் போடப்பட்டுள்ளது. நடிகர் சாந்தனு மற்றும் அவரது மனைவி கீர்த்தி இணைந்து மாஸ்டர் படத்தின் வாத்தி கம்மிங் பாடலுக்கு போட்டுள்ள மரண குத்து டான்ஸ் வீடியோ சமூக வலைதளங்களில் தீயாய் பரவி வருகிறது. நாளை இசை வெளியீட்டு விழா நடைபெற உள்ள நிலையில், சரியான டிரிப்யூட்டாக இந்த வீடியோ அமைந்துள்ளது.

வேற லெவல் ஆட்டம்

வாத்தி கம்மிங் பாடலுக்கு, நடிகர் சாந்தனு போட்டுள்ள வேற லெவல் ஸ்டெப் ரசிகர்கள் மத்தியில் மிகப்பெரிய வரவேற்பை பெற்றுள்ளது. சக்கரக்கட்டி படத்தில் இடம்பெற்ற டாக்ஸி டாக்ஸி பாடல் மற்றும் கோடிட்ட இடங்களை நிரப்புக படத்தில் இடம்பெற்ற டமுக்காட்லான்.. டுமுக்காட்லான் பாடல்களில் தனது நடனத்தால் பட்டையை கிளப்பிய சாந்தனு, தற்போது அதைவிட சிறப்பாக ஆடியுள்ளார்.

குவிகிறது பாராட்டு

மாஸ்டர் செகண்ட் சிங்கிள் பாடலான வாத்தி கம்மிங் பாடலுக்கு நடிகர் சாந்தனு மற்றும் அவரது மனைவி கீர்த்தனா போட்டுள்ள தர லோக்கல் குத்து நடனத்தை பார்த்த தளபதி ரசிகர்கள் மெர்சலாகி உள்ளனர். மேலும், நடிகை ராதிகா சரத்குமார், துல்கர் சல்மான், நிதின் சத்யா உள்ளிட்ட பல பிரபலங்கள் சாந்தனுவின் நடனத்தை பாராட்டி வருகின்றனர்.

இவரே இப்படின்னா

சிறந்த டான்ஸரான சாந்தனு, மாஸ்டர் படத்தின் வாத்தி கம்மிங் ஒத்து பாடலுக்கு இப்படியொரு மிரட்டலான ஸ்டெப் போட்டு ஆடி இருக்கும் நிலையில், இந்த பாட்டுக்கு, தளபதி விஜய் எப்படி ஸ்டெப் போட்டு அசத்தலாக ஆடியிருப்பாரோ என்ற எதிர்பார்ப்பு தளபதி ரசிகர்களை திரையில் அந்த பாடலை காணும் வரை தூங்கவிடாது.