Don't Miss!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
- News பாஜக - விசிகவினர் இடையே அடிதடி.. 2 நிர்வாகிகளின் மண்டை உடைப்பு.. அரியலூரில் பதற்றம் - போலீஸ் குவிப்பு
- Lifestyle World Liver Day 2024: இந்த பழக்கங்கள் இருந்தா உடனே கைவிடுங்க.. இல்லன்னா கல்லீரல் சீக்கிரம் செயலிழந்துவிடும்..
- Technology ஏப்.22-24.. அடுத்த வாரம் அமோக வாரம்.. விற்பனைக்கு வரும் 3 புது 5G போன்கள்.. எல்லாமே ரூ.15,000.. எதை வாங்கலாம்?
- Sports ஹர்திக் பாண்டியாவுக்கு அடுத்த அடி.. கடும் அதிருப்தியில் மும்பை இந்தியன்ஸ் அணியின் அனுபவ வீரர்
- Automobiles ஓட்டு போட வந்த பிரபலங்கள் எந்த கார்களில் வந்தார்கள் தெரியுமா? பாதிபேர் ஒரே மாதிரி கார்ல வந்திருக்காங்க!
- Finance விப்ரோ லாபத்தில் 8% வீழ்ச்சி.. ஷாக் கொடுத்த மார்ச் காலாண்டு முடிவுகள்..!!
- Travel இங்க போறது கொஞ்ச கஷ்டம் தான் – ஆனா வொர்த்! அப்படி ஒரு இயற்கை அழகுகுங்க
'லட்சுமி' குறும்படம் இருக்கட்டும்... 1 கோடி பார்வைகள் கடந்த இதைப் பார்த்திருக்கிறீர்களா?
சென்னை : 'லட்சுமி' குறும்படம் பார்வையாளர்களின் விமர்சனங்களைப் பெற்று பெரும் விவாதத்துக்கு உள்ளானது. இதுவரை 'லட்சுமி' குறும்படம் 30 லட்சம் பார்வைகளைக் கடந்திருக்கிறது.
'பாலியல் சுதந்திரம்' பேசும் 'லட்சுமி' குறும்படம் சமூக வலைதளங்களில் பெரும் தாக்கத்தை ஏற்படுத்தியது. இதே நேரத்தில் சென்னை ஆதம்பாக்கத்தில் இந்துஜா எனும் ஒரு பெண், தன்னைத் திருமணம் செய்ய மறுத்ததால் ஒருவர் பெட்ரோல் ஊற்றிக் கொழுத்தியதில் பரிதாபமாக உயிரிழந்தார் அந்தப் பெண்.
பெண்களின் பாலியல் சுதந்திரம் பேசப்படும் இந்தச் சூழலிலும் பெண்களுக்கு எதிரான இம்மாதிரியான வன்முறைகள் நாடு முழுவதும் தொடர்ந்து கொண்டுதான் இருக்கின்றன. 'லட்சுமி' உள்ளிட்ட குறும்படங்கள் விமர்சனத்துக்கு உள்ளாவதற்கு முன்பு நாம் முடிவு கட்டவேண்டியது இதற்குத்தான்.
SHE 2
குறும்பட இயக்குநர் சதீஷ் குருவப்பன் இயக்கிய குறும்படங்களில் ஒன்று 'SHE' (Stop Harassment Everywhere). இந்தக் குறும்படம் பெண்களுக்கு எதிரான வன்முறைகள் குறித்து பேசுகிறது. இதன் இரண்டாம் பாகமான 'SHE 2' ஆசிட் வீச்சால் பாதிக்கப்படும் பெண்களைப் பற்றியது.
பெண்களின் மீதான வன்முறை
கண நேரத்தில் பெண்களின் மீது ஏற்பட்ட வெறுப்பால் ஆசிட் அடிக்கும் இளைஞர்களை நோக்கிக் கேள்வி கேட்கிறது இந்தக் குறும்படம். பெண்களின் மீது வன்முறையைச் செலுத்தும், செலுத்த நினைக்கும் ஆண்கள் கட்டாயம் பார்க்கவேண்டிய படம் 'SHE 2'.
ஆசிட் வீச்சு
தன்னைக் காதலிக்க மறுத்த பெண்ணை ஆசிட் அடிக்கப்போய், தவறுதலாகத் தன் தங்கையின் மீதே ஆசிட் அடித்துவிடுகிறார் ஒருவர். ஆசிட் அடிக்க நினைத்த பெண்ணே அவரது தங்கையைக் காப்பாற்றி மருத்துவமனையில் சேர்க்கிறார். அவர் குற்றவுணர்வோடு மனம் திருந்துவதாக முடிகிறது படம்.
ஒரு கோடி பார்வைகள்
இந்தக் குறும்படம் ஃபேஸ்புக்கில் இதுவரை ஒரு கோடி பார்வைகளைக் கடந்திருக்கிறது. பெண்களைக் காதலுக்குக் கட்டாயப்படுத்தும் ஆண்கள் பலர் இந்தப் படத்தைப் பார்த்துவிட்டு மனம் மாறியதாகச் சொல்லியிருக்கிறார்களாம்.
பாதிக்கப்பட்ட பெண்கள்
குறும்படத்தின் முடிவில் ஆசிட் வீச்சால் பாதிக்கப்பட்ட பெண்களைக் காட்டுகிறார்கள். காதலின் பெயரால் கோரமாக்கப்பட்டிருக்கும் முகங்களால், ஆண்களை வெட்கித் தலைகுனியச் செய்கிறது இந்தக் குறும்படம். விழிப்புணர்வுக்காக எடுக்கப்பட்டிருக்கும் இந்தக் குறும்படம் அதன் நோக்கத்தை நிறைவேற்ற வாழ்த்துகள்.
இயக்குநர் சதீஷ் குருவப்பன் அவர்களைத் தொடர்பு கொள்ள :