நாய்சேகர் ரிட்டர்ன்ஸ் படத்தில் வடிவேலுவுக்கு ஜோடி யார் தெரியுமா? தொடர்ந்து பம்பர் தான் போல!

ஹீரோயின் வேட்டை

நடிகர் வடிவேலு நடிப்பதற்கு விதிக்கப்பட்டிருந்த தடை நீக்கப்பட்ட நிலையில் லைகா தயாரிப்பில் சுராஜ் இயக்கத்தில் நாய்சேகர் ரிட்டர்ன்ஸ் எனும் படத்தில் நடித்து வருகிறார். இந்த படத்தில் அவருக்கு ஜோடியாக யார் நடிக்கப் போகிறார்? என்கிற கேள்வி எழுந்த நிலையில், ஏகப்பட்ட முன்னணி நடிகைகளின் பெயர்கள் அடிபட்டன.

கீர்த்தி சுரேஷ் நடிப்பதாக

நாய்சேகர் ரிட்டர்ன்ஸ் படத்தில் வடிவேலுவுக்கு ஜோடி இல்லை என்றும் முக்கியமான பெண் கதாபாத்திரம் படத்தில் இருப்பதாகவும் நடிகை கீர்த்தி சுரேஷ் அந்த கதாபாத்திரத்தில் நடிப்பார் என்றும் பேச்சுக்கள் கிளம்பின. ஆனால், அந்த பேச்சுக்கள் அப்படியே வதந்தியாக மாறிவிட்டன. அதன் பிறகு வெளிநாட்டு நடிகை ஒருவரை நடிக்க வைப்பதாக பேச்சுக்கள் அடிபட்டன.

ஷிவானி தான் ஜோடியாம்

இப்படி ஏகப்பட்ட நடிகைகள் பெயர் அடிபட்டு வந்த நிலையில், பிக் பாஸ் சீசன் 4ல் போட்டியாளராக கலந்து கொண்டு ரசிகர்களின் மனங்களை கவர்ந்த இன்ஸ்டாகிராம் இளவரசி ஷிவானி நாராயணன் தான் தற்போது நாய்சேகர் ரிட்டர்ன்ஸ் படத்தில் வடிவேலுவுக்கு ஜோடியாக நடிக்க உள்ளதாக அவரே வடிவேலுவுடன் இணைந்திருக்கும் புகைப்படத்தை சமூக வலைதளத்தில் வெளியிட்டு அறிவித்துள்ளார்.

ஒரே பம்பர் தான் போல

நடிகர் வெற்றியுடன் பம்பர், விஜய்சேதுபதியுடன் பொன்ராம் படம், ஆர்ஜே பாலாஜியுடன் ஒரு படம் என 3 படங்களில் நடித்து வரும் நடிகை ஷிவானி நாராயணன் நாய்சேகர் படத்தில் வடிவேலுவுடன் இணைந்து நடிக்க ஒப்பந்தமாகி உள்ள பிக் பாஸ் பிரபலத்துக்கு ஒரே பம்பர் தான் போல என ஷிவானி ரசிகர்கள் கமெண்ட் போட்டு வாழ்த்தி வருகின்றனர்.

Recommended Video

Shooting-ல் இருந்து பாதியில் வெளியேறிய Vadivelu | Naai Sekar Returns படத்திற்கு ஏற்பட்ட பிரச்சனை??

கலக்குங்க

வடிவேலுவுடன் இருக்கும் புகைப்படத்தை தனது இன்ஸ்டாகிராம் பக்கத்தில் ஷேர் செய்து இந்த சூப்பரான செய்தியை நடிகை ஷிவானி சொன்ன நிலையில், எங்க தலைவனோட நடிக்க கொடுத்து வச்சிருக்கணும் என்றும் கலக்குங்க ஷிவானி என்றும் ஏகப்பட்ட கமெண்ட்டுகள் குவிந்து வருகின்றன. அடுத்த இரண்டு வருடங்களில் கோலிவுட்டின் யங் குயினாக மாறிவிடுவார் போல ஷிவானி.