ஷிவினோட மனசை உடைச்ச கதிரோட கேர்ள் ஃபிரெண்ட்.. பாட்டு பாடி பாத்ரூமுக்கு ஓட வச்ச அமுதவாணன்!

லவ் டிராக்

பிக் பாஸ் நிகழ்ச்சியில் ஒவ்வொரு சீசனிலும் செம லவ் டிராக் ஓடும். அதன் பின்னர் வெளியே போன பிறகு அந்த பையன் ஒரு பெண்ணை திருமணம் செய்து கொள்வதும், அந்த பெண் வேறு ஒரு பையனை திருமணம் செய்து கொள்வதும் வழக்கமாகி வருகின்றன. இந்நிலையில், இந்த சீசனிலும் கடைசி நேரத்தில் அப்படியொரு லவ் டிராக்கை கஷ்டப்பட்டு தேடிப் பிடித்து உருட்டி வந்த நிலையில், அதுவும் உடைந்து விட்டது.

கதிர் ஷிவின் காதல்

கதிரை மருமகனாகவே மாற்றியிருந்தார் ராபர்ட் மாஸ்டர். குயின்ஸி ஷிவினை வெறுப்பேற்றவே நானும் கதிரும் காதலர்கள் போல பிராங்க் செய்தோம். ஷிவின் தான் கதிரை ரொம்பவே காதலிக்கிறார் என வெளியே வந்த நிலையில், பேட்டி ஒன்றில் பேசி இருந்தார். இந்நிலையில், கதிரின் காதலி பிக் பாஸ் வீட்டுக்குள் வந்து ஷிவினின் இதயத்தை சுக்குநூறாக நொறுக்கி விட்டார்.

சினேகா ரவி

சோஷியல் மீடியா சென்சேஷன் சினேகா ரவி தான் கதிரின் காதலி என தெரிந்ததும் ஏகப்பட்ட இளைஞர்களே இதயம் நொறுங்கி போய் இதயம் முரளி போல ஆகி உள்ளனர். அதே போல பிக் பாஸ் வீட்டுக்குள் ஷிவினின் நிலைமையும் படு மோசமாக மாறி விட்டது. சினேகா ரவி சர்ப்ரைஸ் விசிட் கொடுத்து கதிரை கொஞ்சியதை பார்த்த சக ஹவுஸ்மேட்ஸ் ஷிவினை மரண ட்ரோல் செய்து வருகின்றனர். ப்ரமோக்களும் ஷிவினை சுற்றியே வலம் வருகின்றன.

நெஞ்சுக்குள்ள இன்னாருன்னு

ஏற்கனவே பிக் பாஸ் வீட்டுக்குள் போட்டியாளர்கள் ஷிவினின் வயிற்றெரிச்சலை கொட்டி வரும் நிலையில், மேலும், எரிகிற தீயில் எண்ணெய் ஊற்றுவது போல அமுதவாணன் படுத்துக் கொண்டு "நெஞ்சுக்குள்ள இன்னாருன்னு சொன்னா புரியுமா" என பாடி ஷிவினை தேம்பி தேம்பி அழ வைத்து விட்டார்.

ஷிவின் அழுகை

கதிர் மற்றும் அவரது காதலியின் ரொமான்ஸை பார்த்து பொசஸிவாக ஆன ஷிவின் படுக்கையிலேயே கதறி கதறி அழ ஆரம்பித்து விட்டார். ஷிவின் ஏன் அழற என சக போட்டியாளர்கள் கேட்க, அங்கே இருந்து நகர்ந்து செல்லும் காட்சிகள் 3வது ப்ரமோவில் இடம்பிடித்துள்ளன.

பாத்ரூமுக்குள் ஓடி

மற்ற போட்டியாளர்கள் தான் அழுவதை பார்த்து விடக் கூடாது என நினைத்த ஷிவின் அங்கே இருந்து பாத்ரூமுக்குள் ஓடி அழும் காட்சிகளையும் சோக ரொமான்டிக் பாடலுடன் சேர்த்து பிக் பாஸ் எடிட்டரும் போட்டு டிஆர்பியை எகிற வைத்துள்ளார்.

சிம்பதி ஓட்டுக்கள்

ஷிவினை எப்படியாவது டைட்டில் வின்னர் ஆக்க வேண்டும் என்பதற்காக இப்படி சிம்பதி ஓட்டுக்களை சேகரிக்க லவ் டிராக் பயன்படுத்துறாங்களா என பிக் பாஸ் ரசிகர்கள் ட்ரோல் செய்து வருகின்றனர். ஷிவின் அழாத உனக்குன்னு ஒருத்தர் கிடைப்பார் என அவரது ரசிகர்கள் ஆறுதல் வார்த்தைகளையும் கமெண்ட்டுகளாக போட்டு வருகின்றனர்.