முகப்பு

செய்திகள்

திருப்பூர்: கோச்சடையான் வெளியாகும் நாளில் பிறக்கும் ஆண், பெண் குழந்தைகளுக்கு ரஜினி படம் பொறித்த வெள்ளி டாலர் வழங்கப்படும் என திருப்பூர் ரஜினி ரசிகர்கள் அறிவித்துள்ளனர்.

தமிழ்நாடு ரஜினிகாந்த் பொது தொழிலாளர் சங்கத்தின் சார்பில் ஆலோசனை கூட்டம் எஸ்.எஸ்.முருகேஷ் தலைமையில் ஆர்.வி குமாரசாமி திருமண மண்டபத்தில் நடைபெற்றது.

கோச்சடையான்

இக் கூட்டத்தில் காந்தி வேடம், ரஜினி வேடம் அணிந்து மேடையில் தொண்டர்கள் தோன்றினர். 200க்கும் மேற்பட்டவர்கள் முகத்தில் கோச்சடையான் ரஜினியின் மாஸ்க் அணிந்திருந்தனர்.

கூட்டத்தில் கோச்சடையான் திரைப்படத்தை வரவேற்கும் வகையில் பிரமாண்டமான ரதம் தயாரித்து அதை தமிழகம் முழுவதும் பவனி வரச் செய்ய தீர்மானம் நிறைவேற்றப்பட்டது.

திரைப்படம் வெளிவரும் அன்று திருப்பூர் அரசு மருத்துவ மனையில் பிறக்கும் ஆண், பெண் குழந்தைகளுக்கு ரஜினிகாந்த் படம் பொறித்த வெள்ளி டாலர்களை வழங்க முடிவு செய்யப்பட்டது.

கோச்சடையான் திருட்டு சி.டி வெளிவராமல் தடுக்க ஆண், பெண் கொண்ட சிறப்பு குழுவை திருப்பூர் மாவட்டம் முழுவதும் அமைப்பது என தீர்மானிக்கப்பட்டது.