நடிகர் சங்க தேர்தலில் சிம்பு, பிரஷாந்த்!

நடிகர் சங்க செயற்குழு உறுப்பினர் பதவிக்கு நடிகர்கள் சிலம்பரசன், பிரஷாந்த் ஆகியோர் போட்டியிடுகின்றனர்.அதேசமயம், முன்னணி நடிகரான விஜய் தேர்தலில் போட்டியிடப் போவதில்லை என்று அறிவித்துள்ளார்.

வருகிற 30ம் தேதி நடிகர் சங்க நிர்வாகிகள் தேர்தல் நடைபெறவுள்ளது. இதற்கான வேட்பு மனு தாக்கல் தொடங்கிநடந்து வருகிறது. இதில் தலைவர் பதவிக்கு சரத்குமார் போட்டியிடவுள்ளார். துணைத் தலைவர் பதவிக்கு நடிகர்விஜயக்குமார் போட்டியிடுகிறார்.

செயலாளர் பதவிக்கு ராதாரவி போட்டியிடுகிறார். பொருளாளர் பதவிக்கு கே.என்.காளை போட்டியிடவுள்ளார்.

செயற்குழு உறுப்பினர் பதவிக்கு மனோரமா, ஸ்ரீபிரியா, செந்தில், முரளி, அப்பாஸ், சார்லி ஆகியோர்போட்டியிடுகிறார்கள். இவர்கள் தவிர நடிகைகள் மும்தாஜும், விந்தியாவும் வேட்பு மனு தாக்கல் செய்துள்ளனர்.தற்போது இளம் நடிகர்கள் சிம்புவும், பிரஷாந்த்தும் கூட வேட்பு மனு தாக்கல் செய்துள்ளனர்.

இளம் நடிகர்களான சிம்புவும், பிரஷாந்த்தும் வேட்பு மனு தாக்கல் செய்துள்ளது திரையுலக வட்டாரத்தில் புதியபரபரப்பை ஏற்படுத்தியுள்ளது. இளம் முன்னணி நடிகர்கள் யாரும சங்க நடவடிக்கைகளில் அக்கறைகாட்டுவதில்லை என்ற புகாரைக் களையும் விதமாக இவர்கள் நிறுத்தப்பட்டிருக்கலாம் எனக் கூறப்படுகிறது.

அதேசமயம், இளைய தளபதி விஜய் தேர்தலில் போட்டியிடும் எண்ணம் இல்லையாம். போக்கிரி பட பூஜையில்கலந்து கொண்ட அவரிடம் நீங்களும் போட்டியிடுவீர்களா என்று கேட்டபோது, அதெல்லாம் பெரியவங்கசமாச்சாரம். அவங்க பார்த்துப்பாங்க என்று சிரித்துக் கொண்டே நழுவி விட்டார்.

நாளையுடன் வேட்பு மனு தாக்கல் முடிகிறது. போட்டி இருந்தால் 30 ம் தேதி நடிகர், நடிகையர் ஓட்டுப் போட்டுநிர்வாகிகளைத் தேர்வு செய்வர்.