கிருத்திகா உதயநிதி இயக்கத்தில் சிம்பு... இசை அனிருத்!

பேச்சுவார்த்தை...

இப்படத்தில் சிம்புவுக்கு ஜோடியாக நடிக்க வைக்க முன்னணி நடிகையிடம் பேசி வருகிறார்களாம். இப்படத்தை அழகான காதல், ரொமான்ஸ் மற்றும் சென்டிமென்ட் கலந்த கமர்சியல் படமாக உருவாக்க இருக்கிறார்களாம்.

அதிகாரப்பூர்வ அறிவிப்பு...

இந்தப் படத்தில் நடிக்கும் மற்ற கதாபாத்திரத் தேர்வுகள் நடைபெற்று வருகிறது. இம்மாத இறுதியில் இப்படம் தொடர்பான அதிகாரப்பூர்வ அறிவிப்பு வெளியாகும் எனக் கூறப்படுகிறது. மே மாதம் இப்படத்தின் படப்பிடிப்புகள் தொடங்கும் என எதிர்பார்க்கப் படுகிறது.

ரிலீசுக்கு தயார்...

சிம்பு நடிப்பில் கடந்த மூன்று ஆண்டுகளாக எந்தப் படமும் வெளியாகவில்லை. அவர் நடித்துள்ள வாலு, வேட்டை மன்னன் மற்றும் இது நம்ம ஆளு ஆகிய படங்கள் ரிலீசுக்குத் தயாராக உள்ளன.

கைவசம் 3 படங்கள்...

இது தவிர கௌதம்மேனன் இயக்கத்தில், ‘அச்சம் என்பது மடமையடா', செல்வராகவன் இயக்கத்தில் ஒரு படம், கிருத்திகா உதயநிதியின் புதிய படம் என கைவசம் 3 படங்களோடு உள்ளார் சிம்பு.