“அவங்க தான் என்னோட Blood, இந்த ரத்தம் கெட்டுப்போக வாய்ப்பே இல்லை”: ரசிகர்களை கொண்டாடிய சிம்பு

சிம்புவுக்கு காத்திருக்கும் ப்ளாக் பஸ்டர்

'மாநாடு' படம் கொடுத்த கம்பேக்கால் உற்சாகமான சிம்பு, வெந்து தணிந்தது காடு, பத்து தல என அடுத்தடுத்து நடிப்பில் பிஸியானார். இதில், 'வெந்து தணிந்தது காடு' திரைப்படம் வரும் 15ம் தேதி திரையரங்குகளில் வெளியாகிறாது. இந்தப் படத்தில் சிம்பு, கெளதம் மேனன், ஏ.ஆர். ரஹ்மான் கூட்டணி 3வது முறையாக இணைந்துள்ளது. அதனால் வெந்து தணிந்தது காடு சிம்புவுக்கு ப்ளாக் பஸ்டர் ஹிட் கொடுக்கும் என எதிர்பார்க்கப்படுகிறது.

கமல் வெளியிட்ட மிரட்டலான ட்ரெய்லர்கமல் வெளியிட்ட மிரட்டலான ட்ரெய்லர்

இந்நிலையில், வெந்து தணிந்தது காடு படத்தின் இசை மற்றும் ட்ரெய்லர் வெளியீட்டு விழா, சென்னை பல்லாவரத்தில் உள்ள வேல்ஸ் பல்கலைக்கழகத்தில் மிகப் பிரம்மாண்டமாக நடைபெற்றது. இதில், நடிகர்கள் கமல், நாசர், ஜீவா, விக்ரம் பிரபு, ஆர்ஜே பாலாஜி, இயக்குநர் லிங்குசாமி உள்ளிட்ட பலர் கலந்துகொண்டனர். அப்போது வெந்து தணிந்தது காடு படத்தின் மிரட்டலான ட்ரெய்லரை நடிகர் கமல் வெளியிட்டார்.

சிம்புவை கொண்டாடும் ரசிகர்கள்

'வெந்து தணிந்தது காடு' ட்ரெய்லர் வெளியானதுமே, சிம்புவின் ரசிகர்கள் வெறித்தனமாக ட்ரெண்ட் செய்தனர். இதனால் சில மணி நேரங்களிலேயே பல மில்லியன் வியூஸ்களை கடந்து சாதனைப் படைத்தது. சிம்புவின் படங்களுக்கு எப்போதுமே நல்ல ஓப்பனிங் கிடைப்பதற்கும் அவரது ரசிகர்களே காரணம் எனலாம். அதேபோல் சிம்புவை சுற்றி எத்தனை சர்ச்சைகள் எழுந்தாலும், அதிலிருந்து அவர் மீண்டெழுந்து வர எனர்ஜியாக இருப்பதும் ரசிகர்களே. அந்தளவிற்கு சிம்புவை அவரது ரசிகர்கள் கொண்டாடி வருகின்றனர்.

ரசிகர்களை கொண்டாடிய சிம்பு

இந்நிலையில், 'வெந்து தணிந்தது காடு' ட்ரெய்லர் வெளியீட்டு விழாவில் பேசிய சிம்பு தனது ரசிகர்கள் குறித்து ரொம்பவே எமோஷனலாக பேசினார். "உடம்பில் எந்த பிரச்சினை வந்தாலும் முதலில் Blood Test தான் செக் பண்ணுவாங்க. இந்த உடம்பில் இந்த இரத்தத்தில் அவங்க தான் இருக்காங்க. அதனால என் ரத்தமும் உடம்பும் கெட்டுப்போக வாய்ப்பே இல்லை" எனக் கூறினார். இதனைக் கேட்ட சிம்புவின் ரசிகர்கள் உற்சாகத்தில் வெறித்தனமாக கூச்சலிட்டனர். இதனால் வெந்து தணிந்தது காடு ட்ரெய்லர் வெளியீடு நிகழ்ச்சி நடந்த மைதானமே அதிர்ந்துப் போனது.