சிம்புவுக்கு கல்யாணம் முடிவாயிடிச்சு.... ஆகஸ்டில் டும்டும்டும்... பொண்ணு யாருன்னு தெரியுமா?

உறுதிப்படுத்திய டி.ராஜேந்தர்

ஒரு மாதத்துக்கு முன்னர் செய்தியாளர்கள் சந்திப்பின் போது, சிம்பு திருமணம் பற்றிய கேள்விக்கு பதில் அளித்த அவரது தந்தை டி.ராஜேந்தர், "அவர் தன்னுடன் நடித்தவரை அல்ல, பிடித்தவரை திருமணம் செய்துகொள்ள முடிவெடுத்திருக்கிறார்", என கூறியிருந்தார். இதன் மூலம் சிம்புவுக்கு வீட்டில் பெண் பார்த்து வருவது உறுதியானது.

திருமணம் பற்றிய புதிய தகவல்

இதனால் எப்போது வேண்டுமானாலும் சிம்புவின் திருமணம் குறித்து அறிவிப்பு வெளியாகலாம் என அவரது ரசிகர்கள் எதிர்பார்த்து வருகின்றனர். இந்நிலையில், சிம்புவின் திருமணம் குறித்து புதிய தகவல் ஒன்று கிடைத்துள்ளது.

உறவுக்காரப் பெண்ணுடன் திருமணம்

அதாவது, தனது உறவுக்காரப் பெண் ஒருவரை திருமணம் செய்து கொள்ள சம்மதம் தெரிவித்துள்ளதாக செய்திகள் வெளியாகியுள்ளன. வரும் ஆகஸ்ட் மாதம் சிம்பு திருமணம் நடக்கும் எனக் கூறப்படுகிறது.

விஷால் திருமணத்திற்கு முன்னர்

நடிகர் விஷால் திருமணத்திற்கு முன்னதாகவே சிம்புவின் திருமணம் நடைபெறும் என அவருக்கு நெருங்கிய வட்டார தகவல்கள் கூறுகின்றன. விரைவில் இதுதொடர்பான அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.

படங்களில் கவனம்

தற்போது உடல் எடையை குறைக்கும் முயற்சியில் சிம்பு ஈடுபட்டுள்ளார். இதற்காக லண்டன் சென்று பயிற்சிகளை மேற்கொண்டார். மீண்டும் லண்டன் செல்ல இருக்கிறார். இதற்கிடையே மாநாடு படத்திலும் சிம்பு நடிக்க உள்ளார் எனக் கூறப்படுகிறது.