பிக்பாஸ் அல்டிமேட்...கமலுக்கு பதில் இந்த பிரபலமா? ...வச்சி செய்வாரே...கொண்டாடும் நெட்டிசன்கள்

பிக் பாஸ்

தமிழில் பிக் பாஸ் முதல் அறிமுகம் என்பதால் மிகப் பெரிய ஹிட் அடித்தது. டி.ஆர்.பியில் கலக்கியது. ஜூலி, ஓவியா, சினேகன் போன்றவர்களால் நிகழ்ச்சி மேலும் சுவாரசியமானது. அதை விட முக்கியம், இந்த நிகழ்ச்சியை கமல்ஹாசன் தொகுத்து வழங்கியது கூடுதல் பலமானது. அவரின் கண்டிப்பு கலந்த மரியாதை, போட்டியாளர்களை பதில் பேச விடாமலே தப்பை புரிய வைப்பது, தமிழிலே பேசி நிகழ்ச்சியை கொண்டு போவது என வாரத்திற்கு 2 நாட்கள் மட்டுமே கிடைக்கும் கமலின் தரிசணம் பிக் பாஸ் ஷோவுக்கு மிகப் பெரிய பலம் சேர்த்தது.

பிக் பாஸ் அல்டிமேட்

இவரைத் தவிர வேறு யாரும் இந்த நிகழ்ச்சியை இவ்வளவு சிறப்பாக கொண்டு செல்ல முடியாது என்றனர் ரசிகர்கள். அதன் பின்பு அடுத்தடுத்த சீசன்களை கமலே தொகுத்து வழங்கினார். இதுவரை பிக் பாஸ் 5 சீசன்களை கமலே வெற்றிக்கரமாக தொகுத்து வழங்கினார். அதேபோல, டிஸ்னி பிளஸ் ஹாஸ்டாரில் 24 மணி நேரம் ஒளிபரப்பாகி வரும் பிக் பாஸ் அல்டிமேட் நிகழ்ச்சியையும் தொகுத்து வழங்கினார்.

கமல் விலகினார்

விக்ரம் இறுதிக்கட்ட படப்பிடிப்பை நெருங்கி வருவதால்,பிக் பாஸ் நிகழ்ச்சியில் கவனம் செலுத்த முடியாத நிலை ஏற்பட்டுவிட்டதாகவும் தெரிவித்திருக்கிறார். இதனால், பிக் பாஸ் அல்டிமேட் நிகழ்ச்சியிலிருந்து தான் விலகுவதாகவும் தெரிவித்துள்ளார். இருப்பினும், விஜய் டிவியில் விரைவில் வரவிருக்கும் பிக் பாஸ் சீசன் 6ல் மீண்டும் சந்திக்கிறேன் என்று கமல் தெரிவித்துள்ளார்.

சிம்பு தொகுத்து வழங்குகிறார்

இதையடுத்து, பிக் பாஸ் அல்டிமேட் நிகழ்ச்சியை யார் தொகுத்து வழங்குவார்கள் என்ற எதிர்பார்ப்பு எழுந்த நிலையில், தற்போது, பிக் பாஸ் அல்டிமேட் நிகழ்ச்சியை சிம்பு தொகுத்து வழங்குவது உறுதியாகி உள்ளது. சர்ச்சைகளின் கூடாரமான பிக் பாஸ் நிகழ்ச்சி ஹாஸ்டாரில் ஒளிபரப்பாகி வருவதால், பெரும்பாலானவர்களால் பார்க்க முடியவில்லை. இதனால், சுவாரஸ்யம் வெகுவாக குறைந்து விட்டது. தற்போது சிம்பு தொகுத்து வழங்கினால், நிச்சயம் காரசாரத்திற்கு பஞ்சமே இருக்காது என்றும் கூறப்படுகிறது. இதனால் சிம்புவின் ரசிகர்கள் மகிழ்ச்சி அடைந்துள்ளனர்

வெளியேறினார்

விஜய் டிவியில் ஜோடி நம்பர் ஒன் நிகழ்ச்சியில் நடுவராக சிம்பு கலந்து கொண்ட போது, நடிகரும் போட்டியாளருமான பப்லுவுக்கும் சிம்புவுக்கும் இடையே ஏற்பட்ட வார்த்தை மோதல் காரணமாக, அதிரடியாக சிம்பு அந்த நிகழ்ச்சியை விட்டு வெளியேறி பரபரப்பை கிளப்பினார்.