சிம்பு, ஹன்சிகா மோத்வானி இணைந்து நடித்துள்ள மஹா ஃபர்ஸ்ட் சிங்கிள் அப்டேட் வெளியானது!

தழுக் மொழுக் அழகு

குழந்தை நட்சத்திரமாக திரைத்துறையில் அறிமுகமாகி இப்போது முன்னணி கதாநாயகியாக வலம் வந்து கொண்டிருக்கும் நடிகை ஹன்சிகா மோத்வானி தமிழ் ரசிகர்களின் மனதுக்கு மிகவும் நெருக்கமானவர். தழுக் மொழுக் அழகு க்யூட்டான நடிப்பு என படங்களில் செம க்யூட்டான நடிப்பை வெளிப்படுத்தி தனக்கென ரசிகர்கள் ரசிகர் பட்டாளத்தை உருவாக்கி கொண்டார். தமிழ் ஹிந்தி தெலுங்கு என பல மொழிகளில் நடித்து இந்திய அளவில் பிரபலமான நடிகையாக உள்ளார்

கதாநாயகிக்கு முக்கியத்துவம் தரும் கதையில்

தமிழுக்கு மாப்பிள்ளை படத்தின் மூலம் அறிமுகமான இவரது திரைப்படங்களும் தொடர்ந்து வெற்றி பெற கடைசியாக அதர்வாவுக்கு ஜோடியாக 100 என்ற திரைப்படத்தில் நடித்திருந்தார். இதுவரை 49 திரைப்படங்களில் நடித்துள்ள ஹன்சிகா மோத்வானியின் 50வது திரைப்படம் ரொம்பவே ஸ்பெஷலாக தயாராகிவருகிறது. இதுவரை ஹீரோக்களுடன் இணைந்து ஜோடி போட்டு நடித்த ஹன்சிகா மோத்வானி முதல் முறையாக கதாநாயகிக்கு முக்கியத்துவம் தரும் கதையில் நடித்துள்ளார். அறிமுக இயக்குனர் ஜமீல் இயக்கியுள்ளார். மஹா ஹன்சிகா மோத்வானி 50வது திரைப்படம் என்பதால் படக்குழு பார்த்து பார்த்து இப்படத்தை உருவாக்கி வருகிறது.

காதலாக மாறியது

மஹா பட போஸ்டர் வெளியானது முதலே இப்படத்தின் மீதான எதிர்பார்ப்பு பலமடங்கு இருக்க மேலும் எதிர்பார்ப்பை கூட்டும் வகையில் இப்படத்தில் நடிகர் சிம்பு சிறப்பு தோற்றத்தில் தோன்றுகிறார். வாலு படத்தில் ஹன்சிகா மோத்வானி மற்றும் சிம்பு இணைந்து நடித்தபோது இருவருக்குமிடையே நெருக்கம் ஏற்பட்டு அது காதலாக மாறியது. இந்த செய்தி கோலிவுட்டில் பரபரப்பாக பேசப்பட்ட குறுகிய காலத்திலேயே இருவரும் காதலை முறித்துக் கொண்டனர் என்ற அதிர்ச்சித் தகவலும் வெளியாகி பரபரப்பாக பேசப்பட்டது.

ஃபர்ஸ்ட் சிங்கிள் ரிலீஸ்

இதனால் நீண்ட வருடங்களாக இணைந்து நடிக்காமல் இருந்த ஹன்சிகா மோத்வானி மற்றும் சிம்பு மீண்டும் மஹா திரைப்படத்தில் இணைந்து நடித்திருப்பதால் இப்படத்தின் மீதான எதிர்பார்ப்பு பல மடங்கு அதிகரித்துள்ளது. மஹா டீசர் ஏற்கனவே ஏற்கனவே வெளியாகி பெரும் நல்ல வரவேற்பு பெற்றது. டீசலில் இருந்து இந்த திரைப்படம் ஒரு திரில்லர் திரைப்படம் என தெரியவந்துள்ளது. இந்த நிலையில் மஹா படக்குழு ஃபர்ஸ்ட் சிங்கிள் எப்போது வெளியாகும் என்ற அதிகாரப்பூர்வ அறிவிப்பை வெளியிட்டுள்ளது. அதன்படி டிசம்பர் 4ஆம் தேதி மாலை 5 மணிக்கு மஹா ஃபர்ஸ்ட் சிங்கிள் வெளியாகும் என்ற அறிவிப்பு தற்போது வெளியாகி உள்ளது.