சிம்புவின் வெந்து தணிந்தது காடு முதல் நாள் வசூல் 10 கோடிக்கு மேல்.. வெளியான பரபரப்பு தகவல்!

சிம்பு சாதிச்சிட்டாரு

மாநாடு படத்தைத் தொடர்ந்து சிம்பு நடிப்பில் வெளியாகி உள்ள வெந்து தணிந்தது காடு திரைப்படம் ரசிகர்கள் மத்தியில் நல்ல வரவேற்பை பெற்றுள்ளது. சிம்புவின் தனித்துவமான நடிப்பு, இயக்குநர் கெளதம் மேனனின் புதுவிதமான இயக்கம் என படத்திற்கு ஏகப்பட்ட பிளஸ்கள் அமைந்துள்ளன. வெந்து தணிந்தடு காடு படத்தை பாராட்டி ஏகப்பட்ட சினிமா பிரபலங்களும் வாழ்த்து தெரிவித்து வருகின்றனர்.

வசூல் பஞ்சாயத்து

இந்நிலையில், படத்தின் முதல் நாள் வசூல் குறித்த பஞ்சாயத்தும் ஒரு பக்கம் ஸ்டார்ட் ஆகி விட்டது. வழக்கம் போல, மனோபாலா விஜயன் வெந்து தணிந்தது காடு சிறப்பான ஓப்பனிங் இல்லை வெறும் 6.80 கோடி தான் வசூல் என பதிவிட்டுள்ளார். ஆவரேஜ் என அவர் போல்டாக பதிவிட்டு இருப்பது படக்குழுவை அப்செட் ஆக்கி உள்ளது.

டபுள் டிஜிட் வசூல்

இந்நிலையில், வெந்து தணிந்தது காடு படக்குழுவை சேர்ந்த ஒருவர், எங்களுக்கே ஒட்டுமொத்த தொகையை எண்ணி முடிக்க இன்னமும் டைம் எடுக்கும், நீங்க எப்படி அதற்குள் ஆவரேஜ்னு சொல்றீங்க என சண்டை பிடித்துள்ளார். மேலும், படம் டபுள் டிஜிட் வசூல் பெற்றுள்ளதாக பல இடங்களில் இருந்து விநியோகஸ்தர்கள் தகவல் தெரிவித்துள்ளதாகவும் கூறியுள்ளார்.

10 கோடிக்கும் மேல்

இதுவரை இல்லாத அளவுக்கு சிம்பு படங்களிலேயே அதிக ஓப்பனிங் பெற்ற படம் வெந்து தணிந்தது காடு தான் என்றும் டபுள் டிஜிட் வசூல் என்பதால், 10 கோடிக்கும் அதிகமான வசூல் ஈட்டியிருக்கும் என எதிர்பார்க்கப்படுகிறது. வேல்ஸ் நிறுவனம் அதிகாரப்பூர்வ பாக்ஸ் ஆபிஸ் அறிவிப்பை வெளியிடுமா? என்கிற கேள்வியும் ரசிகர்கள் மத்தியில் எழுந்துள்ளது.