ராமுடன் இணையும் சிம்பு.. அதிகாரப்பூர்வ அறிவிப்பு விரைவில் !

கலவையான விமர்சனம்

சிம்பு நடிப்பில் நீண்ட நாட்களுக்கு பிறகு தை பொங்கலன்று வெளிவரவுள்ள ஈஸ்வரன் திரைப்படத்தின் ட்ரைலர் நேற்று வெளியாகி சிம்பு ரசிகர்களுக்கு மகிழ்ச்சி அளித்தாலும் நெட்டிசன்களிடையே கலவையான விமர்சனங்களையே பெற்றது.

பொங்கலுக்கு மோஷன் போஸ்டர்

மாநாடு திரைப்படத்தின் படப்பிடிப்பு முழுவீச்சில் நடைபெற்று வரும் நிலையில் படத்தின் மோஷன் போஸ்டர் பொங்கலன்று வெளியிடப்படும் என படத்தின் தயாரிப்பாளர் சுரேஷ் காமாட்சி ட்விட்டரில் தெரிவித்திருந்தார்.

வைரலாகும் புகைப்படம்

இதையடுத்து மீண்டும் சுரேஷ் காமாட்சி தயாரிப்பில் ராம் இயக்கும் படத்தில் சிம்பு நடிப்பதாக தகவல் வெளியாகின. தற்போது ராம், சிம்பு, சுரேஷ் காமாட்சி ஆகியோர் கலந்துரையாடலில் இருக்கும் புகைப்படம் வைரலாகி வருகிறது.

விருப்பமான கூட்டணி

ராம் சிம்புவை வைத்து எடுக்க போகும் படத்தில் யுவன் இசையமைப்பார் என தெரிகிறது. அப்படி அமைந்தால் ராம் - யுவன், சிம்பு - யுவன் என இந்த இரண்டு கூட்டணியும் ரசிகர்களுக்கு விருப்பமான கூட்டணியாக அமையும்.