கன்னட ரீமேக்.. சிம்புவுடன் கவுதம் கார்த்திக் இணையும் படம்.. 10 இயக்குனர்கள் வெளியிட்ட 'பத்து தல..'

கிருஷ்ணா

இந்தப் படங்களை அடுத்து, ஸ்டூடியோ கிரீன் நிறுவனம் தயாரிக்கும் படத்தில் நடிக்கிறார். இந்தப் படத்தை ஓபிலி என். கிருஷ்ணா இயக்குகிறார். இவர் கிருஷ்ணா என்ற பெயரில், சில்லுனு ஒரு காதல், நெடுஞ்சாலை உட்பட சில படங்களை இயக்கியவர். பத்து தல படம், இது கன்னடத்தில் வெளியான மஃப்டி (Mufti)என்ற படத்தின் ரீமேக்.

கன்னட ரீமேக்

கன்னடத்தில், சிவராஜ்குமார், ஸ்ரீ முரளி, சாயா சிங் உட்பட பலர் நடித்திருந்தனர். இந்தப் படத்தின் தமிழ் ரீமேக் கடந்த ஆண்டு தொடங்குவதாக அறிவிக்கப்பட்டது. சிவராஜ்குமார் கேரக்டரில் சிம்புவும், ஸ்ரீ முரளியாக கவுதம் கார்த்திக்கையும் ஒப்பந்தம் செய்திருந்தனர். இந்நிலையில் இதன் ஷூட்டிங் இப்போது மீண்டும் தொடங்குகிறது.

பத்து இயக்குனர்கள்

இந்நிலையில், இந்தப் படத்தின் டைட்டிலை, வெங்கட் பிரபு, ராஜேஷ், ஆனந்த் ஷங்கர், விக்னேஷ் சிவன், விஜய் மில்டன், கார்த்திக் சுப்புராஜ், பா.ரஞ்சித், சந்தோஷ் ஜெயக்குமார், அஸ்வத் மாரிமுத்து, சாம் ஆண்டன் ஆகிய 10 இயக்குனர்கள் இணைந்து இன்று வெளியிட்டனர். படத்துக்கு பத்து தல என்று டைட்டில் வைத்துள்ளனர்.

வேறொரு பரிணாமம்

தயாரிப்பாளர் கே.இ.ஞானவேல் ராஜா, ' எஸ்டிஆர் சுறுசுறுப்புக்கும், உற்சாகத்திற்கும் பெயர் பெற்றவர். தற்போது தன்னையே முழுதாக மாற்றி வேறொரு பரிணாமத்தில் அவர் வந்து நிற்பது, மகிழ்ச்சியை தருகிறது. இந்த டைட்டிலின் அர்த்தத்தை, அதன் ஆழத்தை, படத்தின் வழியே ரசிகர்கள் கண்டிப்பாக உணர்வார்கள் என்று கூறியுள்ளார்.