முகப்பு

செய்திகள்

சென்னை: சிங்கம் 3 படத்தின் தயாரிப்பாளர் ஞானவேல்ராஜா அவ்வளவு எச்சரித்தும் படம் இணையதளத்தில் வெளியாகியுள்ளது.

ஹரி இயக்கத்தில் சூர்யா நடித்துள்ள சிங்கம் 3 படம் நேற்று ரிலீஸானது. தமிழக அரசியலில் பரபரப்பான சூழல் நிலவும் நேரத்தில் படம் வெளியாகியுள்ளது.

இந்நிலையில் படம் வெளியான அதே நாளில் அதை இணையத்தில் வெளியிடுவோம் என ஒரு இணையதளம் சவால் விட்டது. படத்தை இணையதளத்தில் வெளியிட்டால் சிறையில் தள்ளாமல் விட மாட்டேன் என தயாரிப்பாளர் ஞானவேல்ராஜா எச்சரித்திருந்தார்.

அப்படி இருந்தும் சிங்கம் 3 படம் இணையதளத்தில் வெளியிடப்பட்டுள்ளது. ஒரு படத்தை எடுத்து ரிலீஸ் செய்ய திரைத்துறையினர் படாதபாடு படும்நேரத்தில் இப்படி இணையதளங்களில் வெளியாவதால் பலர் பாதிக்கப்படுகிறார்கள்.

இந்நிலையில் ஞானவேல்ராஜா சொன்னதை செய்வாரா என்ற எதிர்பார்ப்பு ஏற்பட்டுள்ளது.