விக்கி படத்தில் கமிட்டான அனிருத்தின் 'செல்லம்மா'.. அதிகாரப்பூர்வ அறிவிப்பு!

கோவா டூர்

கடந்த ஆண்டின் பெரும்பாலான நாட்கள் கொரோனா லாக்டவுன் நடைமுறையில் இருந்ததால் விக்கி - நயன் ஜோடி வெளி நாடுகளுக்கு பெரிதாக சுற்றுலா சென்றதாக தெரியவில்லை. மாறாக கோவாவுக்கு சென்றனர். அந்த போட்டோக்கள் வைரலானது.

படங்கள் தயாரிப்பு

இதனிடையே நயனும் விக்கியும், ரவுடி பிக்சர்ஸ் என்ற தயாரிப்பு நிறுவனத்தை தொடங்கி சில திரைப்படங்களை தயாரித்தும், வெளியிட்டும் வருகிறார்கள். இதுவரை நெற்றிக்கண், கூழாங்கல் போன்ற படங்களை இவர்களின் ரவுடி பிக்சர்ஸ் நிறுவனம் தயாரித்துள்ளது.

வாக்கிங் டாக்கிங் ஸ்ட்ராபெர்ரி ஐஸ்க்ரீம்

தற்போது விஜய் சேதுபதி, சமந்தா, நயன்தாரா நடிக்கும் 'காத்துவாக்குல ரெண்டு காதல்' படத்தை இயக்கி தயாரிக்கிறார்.
இந்நிலையில் அடுத்ததாக ரவுடி பிக்சர்ஸ் நிறுவனம் 'வாக்கிங் டாக்கிங் ஸ்ட்ராபெரி ஐஸ்கிரீம்' என்ற படத்தை தயாரிக்கிறது.

ஹீரோயினாக அறிமுகம்

விக்னேஷ் சிவனிடம் இணை இயக்குநராக பணிபுரிந்த விநாயக் இந்தப் படத்தை இயக்குகிறார். ரொமாண்டிக் காதல் கதையாக உருவாகும் இந்தப் படத்தின் மூலம் ஹீரோயினாக அறிமுகமாகிறார் ஜொனிடா காந்தி.

அனிருத்துடன் காதல்?

தமிழில் 'டாக்டர்' படத்தில் இவர் பாடிய 'செல்லம்மா' பாடல் பெரும் பிரபலமானது. இதனிடையே அனிருத்துக்கும் பாடகி ஜொனிடா காந்திக்கும் காதல் என்றும் தகவல் பரவியது. ஆனால் அதுகுறித்து இருவருமே இதுவரை வாய் திறக்கவில்லை என்பது குறிப்பிடத்தக்கது.