ஜூன் 14-ம் தேதி சூர்யாவின் சிங்கம் 2!

News

oi-Shankar

By Shankar

| Published: Saturday, May 11, 2013, 9:27 [IST]

சூர்யா நடித்துள்ள சிங்கம் 2 படம் வரும் ஜூன் 14-ம் தேதி வெளியாவது உறுதியாகியுள்ளது.

ஹரி இயக்கத்தில் கடந்த ஆண்டு வெளியாகி பெரும் வெற்றிப் பெற்ற சிங்கம் படத்தின் இரண்டாம் பாகம்தான் சிங்கம் 2 என்ற பெயரிலேயே வெளியாகிறது.

முதல் பாகத்தில் நடித்த சூர்யா - அனுஷ்கா ஜோடியுடன், ஹன்சிகா, விவேக், சந்தானம் ஆகியோர் நடிக்கின்றனர்.

கடந்த ஓராண்டு காலமாக இதன் படப்பிடிப்பு பல்வேறு பகுதிகளில் படமாக்கப்பட்டு வந்தது. க்ளைமாக்ஸ் காட்சி மட்டும் தென் ஆப்ரிக்காவில் எடுக்கப்பட்டது.

ஹரியின் எந்தப் படத்துக்கும் இல்லாத அளவு அதிக நாட்கள் இந்தப் படத்துக்குத்தான் ஷூட்டிங் நடத்தப்பட்டது.

கோடை ஸ்பெஷலாக வரும் என எதிர்ப்பார்க்கப்பட்ட சிங்கம் 2 ரிலீஸ், போஸ்ட் புரொடக்ஷன் பணிகளுக்காக தள்ளிப் போடப்பட்டது. இப்போது வெளியீட்டுத் தேதியை உறுதிப் படுத்தியுள்ளனர்.

வரும் ஜூன் 14-ம் தேதி உலகமெங்கும் வெளியாகிறது சிங்கம் 2.

தேவி ஸ்ரீ பிரசாத் இசையில் உருவாகியுள்ள பாடல்கள் வரும் ஜூன் 1-ம் தேதி வெளியாகும் எனத் தெரிகிறது.

தெலுங்கில் இந்தப் படம் யாமுடு 2 என்ற பெயரில் ஒரே நேரத்தில் வெளியாகிறது.