For Quick Alerts
    ALLOW NOTIFICATIONS  
    For Daily Alerts

    மியாவ்… மியாவ்… சிவகார்த்திக்கேயனின் சூப்பர் மாஸ்!

    By Mayura Akilan
    |

    "பரிட்சையில ஃபெயில் ஆயிட்டேன்னு வருத்தப்படுறவனும், ஃபிகர் கழட்டி விட்டுடுச்சுன்னு ஃபீல் பண்றவனும் நம்ம சங்கத்திலேயே இருக்கக் கூடாது..."

    இந்த டயலாக்கை கேட்டு அப்படி ஒரு அப்ளாஸ் திரையரங்கில்.

    சத்தம் போட்டு சிரித்து.... விசிலடித்து... படம் பார்த்து ரொம்ப நாட்களாகிவிட்டது என்ற குறையை தீர்த்துவிட்டது வருத்தப்படாத வாலிபர் சங்கம்.

    தலைவலி வந்தா கமெடி படம் பாருங்களேன் என்று யாரோ சொன்னதை நம்பி! தியேட்டருக்குப் போனது வீணாகவில்லை.

    Siva Karthikeyan, the star has arrived!

    வரிக்கு வரி வார்த்தைகளால் காமெடி செய்துள்ளார் இயக்குநர் எம்.ராஜேஸ். இதில் தனது சிஷ்யன் பொன்ராமுக்கு வசனம் எழுதி தான் வித்தியாசமான குரு என்பதை நிரூபித்துள்ளார்.

    சிவகார்த்திக்கேயன் - சூரி கெமிஸ்ட்ரி இதில் கொஞ்சம் அதிகமாக ஒர்க் அவுட் ஆகியுள்ளது. ஊர் திருவிழாவில் ரீட்டா நடனம் வேண்டும் என்று அடம் பிடிப்பதாகட்டும். திருமணத்திற்கு ப்ளக்ஸ் போர்டு வைப்பதாகட்டும் வருத்தப்படாத வாலிபர் சங்கத்தின் அலப்பரை நிற்கிறது.

    வேலை வெட்டி இல்லை என்றாலும் கையில் செல்லும்... லந்து பேச்சுமாக ஊரில் வளைய வரும் இளவட்டமாய் கலக்கியிருக்கும் சிவகார்த்திக்கேயன், டீச்சரை கரெக்ட் செய்ய பள்ளி மாணவியிடம் லவ்லெட்டர் கொடுப்பதாகட்டும்.

    பின்னர் அதே மாணவியை சைட் அடித்து மியாவ் என்று செல்லமாக கூப்பிடுவதாகட்டும்... உள்ளூர் கிராமத்து இளைஞனை பிரதிபலிக்கிறார். பிந்து மாதவியை விட குட்டி கதாநாயகி செம க்யூட்.

    இயக்குநர்கள் ராஜேஸ், பொன்ராம் கூட்டணி அமைத்து காமெடி பட்டாசு கொளுத்தியதில் தலைவலி போயே போச்சு...

    அதுவும் சத்யராஜ் ஆக்சன்கள் கிளைமாக்ஸில் மகள் கர்ப்பம் என்றவுடன் காட்டும் எக்ஸ்பிரசன் செம அப்ளாஸ்.

    இப்போது காதல் தோல்வி என்றாலே குடித்துவிட்டு குத்துப்பாட்டு பாடவேண்டும் என்று டிரெண்ட் செட் செய்து விட்டார்கள் போல வருத்தப்படாத வாலிபர் சங்கமும் தப்பவில்லை.

    அதை மட்டும் தவிர்த்திருந்தால் நிச்சயம் வருத்தப்படாத வாலிபர் சங்கம் செம மாஸ்தான்.

    படம் ரிலீசாகி மூன்று நாட்களில் 6.65 கோடி வசூலித்துள்ளதாம். சிவகார்த்திக்கேயன் படத்திற்கு இது நல்ல ஓபனிங் என்கின்றனர். மெரினா தொடங்கி கடந்த இரண்டு ஆண்டுகளில் 6 படங்களில் நடித்துவிட்டார் சிவகார்த்திக்கேயன். தனக்கென்று தனி ட்ரெண்ட் செட் செய்து கொண்டால் நிச்சயம் சூப்பர் ஹீரோதான் என்கின்றனர் விமர்சகர்கள்.

    English summary
    Siva Karthikeyan's Varuthapadatha Valibar Sangam, directed by Ponram, has taken a fantastic opening in Tamil Nadu thanks to good reviews, the appropriate release time, good marketing and Siva Karthikeyan's ever-rising popularity.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X