For Quick Alerts
    ALLOW NOTIFICATIONS  
    For Daily Alerts

    அப்பர் வேடத்தில் நடிப்பதா... விவேக்குக்கு சிவாஜி ரசிகர்கள் கண்டனம்!

    By Shankar
    |

    Sivaji fans turn against comedian Vivek
    சிவாஜி நடித்த அப்பர் வேடத்தில் நடிக்க விவேக்குக்கு சிவாஜி ரசிகர்கள் கண்டனம் தெரிவித்துள்ளனர்.

    கில்லாடி என்ற படத்தில் அப்பர் வேடத்தில் ஒரு சில காட்சிகளில் தோன்றுகிறாராம் விவேக். சமீபத்தில் இந்தப் படத்தின் இசை வெளியீட்டு விழாவையொட்டி, விவேக் அப்பராகத் தோன்றும் போஸ்டர்களை சென்னையில் ஒட்டியிருந்தனர்.

    இது சிவாஜியை அவமதிக்கும் செயல் என சிவாஜி ரசிகர் மன்றத் தலைவர் பூமிநாதன் கண்டனம் தெரிவித்துள்ளார்.

    இதுகுறித்து பூமிநாதன் வெளியிட்ட அறிக்கையில், "விவேக்கின் அப்பர் வேட போஸ்டர்கள் சிவாஜியை அவமதிப்பது போல் உள்ளது.

    இது குறித்து விவேக்கிடம் நேரில் பேசி உள்ளேன். இந்துக்களை இழிவுபடுத்துவது போன்றும் அவர் செயல் உள்ளது. சிவாஜி ரசிகர்கள் இதை எதிர்த்து போராட்டத்தில் ஈடுபடுவார்கள்," என்றார்.

    சிவாஜி சமூக நல பேரவை தலைவர் சந்திரசேகரனும் விவேக்குக்கு கண்டனம் தெரிவித்து அறிக்கை வெளியிட்டுள்ளார்.

    இது குறித்து படத்தின் இயக்குனர் ஏ.வெங்கடேசிடம் கேட்டபோது, "விவேக் சாமியார் வேடத்தில்தான் நடித்துள்ளார். அது சிவாஜி நடித்த "அப்பர்" வேடம் அல்ல. இதனை நடிகர் பிரபுவுக்கு தெரிவித்து விட்டோம்.

    நான், விவேக், தயாரிப்பாளர் சந்திரசேகரன் அனைவரும் சிவாஜியின் தீவிர ரசிகர்கள்தான். விவேக்கின் கெட்டப் போஸ்டர் படங்கள் போட்டோ ஷூட்டில் எடுக்கப்பட்டவை. விளம்பரத்துக்காக பயன்படுத்தினோம்," என்றார்.

    அதான் கிடைச்சிடுச்சே!

    English summary
    Late actor Sivaji Ganesan's fans condemned comedian Vivek for appearing in Appar Getup in Killadi movie.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X