அவர் மட்டும் ஒஸ்தியா?: சர்ச்சையில் சிக்கிய சிவகார்த்திகேயன்

நடிகர்

வாக்காளர் பட்டியிலில் சாதாரண மக்களின் பெயர் இல்லை என்றால் வாக்களிக்கவிடவில்லை. ஆனால் சிவகார்த்திகேயனை மட்டும் எப்படி அனுமதித்தார்கள்?. நடிகர் என்றால் ஒஸ்தியா என்று விமர்சனம் எழுந்துள்ளது.

சர்ச்சை

இம்முறை லோக்சபா தேர்தலில் வாக்களிக்க சென்று சிவகார்த்திகேயனும், அஜித்தும் சர்ச்சையில் சிக்கியுள்ளனர். சிவகார்த்திகேயனை எந்த அடிப்படையில் வாக்களிக்க அனுமதித்தார்கள் என்ற கேள்வி எழுந்துள்ளது. அஜித் வரிசையில் நிற்காமல் சென்றதால் விமர்சனத்திற்குள்ளாகியுள்ளார்.

செய்தி

தேர்தல் நாள் அன்று ரஜினிகாந்த், கமல் ஹாஸன், சூர்யா, விஜய், விஜய் சேதுபதி என்று எத்தனையோ திரையுலக பிரபலங்கள் வாக்களித்தனர். ஆனால் அஜித் மற்றும் சிவகார்த்திகேயன் பற்றி மட்டும் தான் இன்றும் பேசப்படுகிறது. காரணம் இருவரும் சர்ச்சையில் சிக்கியுள்ளனர்.

ஆதரவு

சிவகார்த்திகேயனுக்கும் சரி, அஜித்துக்கும் சரி ரசிகர்கள் ஆதரவாக உள்ளனர். தனது வாக்குரிமையை நிறைவேற்றிய சிவகார்த்திகேயன் மீகு குறை சொல்லக் கூடாது என்கிறார்கள் ரசிகர்கள். அஜித் வரிசையில் நிற்காததற்கு மன்னிப்பு கேட்டுள்ளார். அவரின் பெருந்தன்மையை பார்க்க வேண்டும். வழக்கமாக வரிசையில் நிற்கும் அவர் இம்முறை நிற்கவில்லை என்றால் ஏதாவது முக்கிய காரணம் இருக்கும் என்கிறார்கள் தல ரசிகர்கள்.