ஒரு வழியாக ஓட்டு போட்ட சிவகார்த்திகேயன்: ஓட்டு போட முடியாமல் திரும்பிய ரோபோ ஷங்கர்

Recommended Video

சென்னை: சென்னையில் வாக்காளர் பட்டியலில் நடிகர்கள் சிவகார்த்திகேயன், ரோபோ ஷங்கரின் பெயர்கள் இல்லை. இந்நிலையில் தான் வாக்களித்துவிட்டதாக சிவகார்த்திகேயன் தெரிவித்துள்ளார்.

லோக்சபா தேர்தலுக்கான வாக்குப்பதிவு இன்று காலை துவங்கி விறுவிறுப்பாக நடந்தது. திரையுலக பிரபலங்கள் மக்களோடு மக்களாக வரிசையில் நின்று வாக்களித்தனர்.

ரஜினிகாந்த், கமல் ஹாஸன், அஜித், விஜய் உள்ளிட்டோர் காலையிலேயே வாக்களித்துள்ளனர். சிவகார்த்திகேயன் ஏன் இன்னும் வாக்களிக்கவில்லை என்று பார்த்தால் வாக்காளர் பட்டியலில் அவர் பெயர் இல்லை என்று கூறப்பட்டது. இந்நிலையில் தான் வாக்களித்துவிட்டதாக புகைப்படத்துடன் ட்வீட் செய்துள்ளார் சிவகார்த்திகேயன்.

நடிகர் ரோபோ ஷங்கரின் பெயரும் வாக்காளர் பட்டியலில் இல்லை. அதனால் அவர் வாக்குச்சாவடிக்கு வந்துவிட்டு ஓட்டு போட முடியாமல் திரும்பிச் சென்றார்.

வாக்களிப்பவர்கள் யோசித்து வாக்களிக்கவும், அதன் பிறகு அது சரி இல்லை இது சரி இல்லை என்று புலம்ப வேண்டாம் என திரையுலக பிரபலங்கள் வலியுறுத்தியுள்ளனர் என்பது குறிப்பிடத்தக்கது.