தம்பி, தங்கைகளுக்கு நன்றி.. பாசமான அண்ணன் எஸ்.கே ட்வீட்!

டிக் டாக்

சிவகார்த்திகேயன் நடிப்பில் சமீபத்தில் வெளியான நம்ம வீட்டு பிள்ளை படத்தில் அனிருத் பாடிய "காந்த கண்ணழகி" பாடலில் வரும் "கும்முற டப்பர கும்முற டப்பர" லிரிக்ஸ் பல ரசிகர்களால் டிக் டாக் செய்யப்பட்டு வைரலாகி வருகிறது. எங்கள் அண்ணன் பாடலும் மக்கள் மத்தியில் நல்ல வரவேற்பை பெற்றுள்ளது.

சிவா ஹேப்பி

சீமராஜா, மிஸ்டர் லோக்கல் படங்கள் கொடுத்த சரிவால், சுதாரித்துக் கொண்ட சிவகார்த்திகேயன், பாண்டியராஜன் இயக்கத்தில் சென்டிமென்ட் படத்தை கையில் எடுத்து சேஃப் கோல் அடித்து விட்டார். திரையரங்குகளில் 25 நாட்கள் படம் வெற்றிகரமாக ஓடிக் கொண்டிருப்பதால் சிவாகார்த்திகேயன் ஹேப்பி ஆகியுள்ளார்.

சூப்பர் ஹீரோ

நம்ம வீட்டு பிள்ளை வெற்றிக்கு பிறகு வரும் டிசம்பரில் வெளியாகவுள்ள ஹீரோ படத்தையும் மிகவும் நம்பி இருக்கிறார் சிவகார்த்திகேயன். விஷால் நடிப்பில் வெளியான இரும்புத்திரை படத்தை இயக்கிய பி.எஸ். மித்ரன் இயக்கத்தில் ஹீரோ படம் உருவாகி வருவதால், நிச்சயம் அந்த படமும் அவருக்கு வெற்றியை கொடுக்கும் என எதிர்பார்க்கப்படுகிறது.

நன்றி ட்வீட்

நம்ம வீட்டு பிள்ளை படம் 25 நாட்கள் கடந்துள்ள நிலையில், படத்தின் வெற்றிக்கு காரணமாக இருந்த இயக்குநர் பாண்டிராஜ், படத்தை தயாரித்த சன் பிக்சர்ஸ் கலாநிதி மாறன் மற்றும் படத்திற்காக உழைத்த அனைத்து சினிமா கலைஞர்கள் மற்றும் படத்தை புரமோட் செய்த ஊடகத் துறையினர் என பலருக்கும் தனது நன்றியினை தெரிவித்த சிவகார்த்திகேயன். தனது ரசிகர்களான பாசமான தம்பி, தங்கைகளுக்கும் நன்றிகளை தெரிவித்துள்ளார்.