Don't Miss!
- Finance டெக் மஹிந்திரா முன்னாள் சிஇஓ சிபி.குர்னானி துவங்கிய புது கம்பெனி.. வியந்துபோன ஐடி ஊழியர்கள்..!
- News வெயிலில் சுருண்டு விழுந்து துடித்த மாற்றுத்திறனாளி.. உதவாமல் சென்ற மக்கள்! ஓடிப்போய் மீட்ட காவலர்
- Lifestyle வெளிநாட்டினர் ஏன் பால் சேர்க்கப்பட்ட காபிக்கு பதிலாக எப்போதும் ப்ளாக் காபி மட்டும் குடிக்கிறார்கள் தெரியுமா?
- Technology முடிச்சிட்டாரு முகேஷ் அம்பானி.. மாதம் ரூ.112 போதும்.. 336 நாட்கள் வேலிடிட்டி.. அன்லிமிடெட் கால்.. ஓடிடி சந்தா!
- Sports இன்னும் 6 போட்டிகள் இருக்கு.. என்ன வேண்டுமானாலும் நடக்கலாம்.. பிளே ஆஃப் பற்றி ஆர்சிபி வீரர் ஜாக்ஸ்!
- Automobiles துபாயில் சென்னை விமானத்தை தவறவிட்ட 15 வயது சிறுமி! அடுத்து நடந்த விஷயம் தான் அதிசயம்!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
ரெமோ... 50 நிமிடங்கள் பெண்ணாக வரும் சிவகார்த்திக்கேயன்!
சென்னை: ரெமோ படத்தில் சுமார் 40 முதல் 50 நிமிடங்கள் சிவகார்த்திக்கேயன் பெண் கதாபாத்திரத்தில் நடித்திருப்பதாக அதன் சவுண்ட் என்ஜினியரான ரசூல் பூக்குட்டி தெரிவித்துள்ளார்.
ரஜினி முருகன் வெற்றிப்படத்தைத் தொடர்ந்து சிவகார்த்திக்கேயன் அட்லியின் உதவியாளர் பாக்யராஜ் கண்ணன் இயக்கும் ரெமோ படத்தில் நடித்துள்ளார். இப்படத்தில் மீண்டும் அவருக்கு ஜோடியாக கீர்த்தி சுரேஷ் நடித்திருக்கிறார்.
இப்படத்தில் பி.சி.ஸ்ரீராம், ரசூல் பூக்குட்டி, அனிருத், ஹாலிவுட் மேக்கப் கலைஞர் சீன் பூட் என மிகப்பெரிய தொழில்நுட்ப கலைஞர்கள் பணியாற்றி வருகிறார்கள்.
3 வேடங்கள்...
படப்பிடிப்புகள் முடிந்து விட்ட நிலையில் தற்போது இப்படத்தின் டப்பிங் வேலைகள் நடந்து வருகின்றன. இப்படத்தில் சிவகார்த்திக்கேயன் மூன்று வேடத்தில் நடித்திருப்பதாகக் கூறப்படுகிறது.
பெண் வேடம்...
இந்நிலையில், அதில் ஒரு வேடம் பெண் கதாபாத்திரம் எனக் கூறப்பட்டு வந்தது. தற்போது அத்தகவலை ரசூல் பூக்குட்டி உறுதி செய்துள்ளார். இப்படத்தில் அவர் 40 முதல் 50 நிமிடங்கள் பெண் வேடத்தில் நடித்துள்ளாராம்.
பாராட்டு...
இது குறித்து நாளிதழ் ஒன்றிற்கு அளித்துள்ள பேட்டியில் அவர், "சிவகார்த்திகேயன் சாதாரண ஒரு மனிதராக இருந்து இன்று பெரிய ஹீரோவாக உருவாகியிருக்கிறார். இப்படத்தில் சிவகார்த்திகேயன் ஒரு பெண்ணாகவும் நடித்துள்ளார்" எனப் பாராட்டியுள்ளார்.
மிமிக்ரி...
வழக்கமாக ஹீரோக்கள் பெண் வேடங்களில் நடித்தால் அவர்களுக்கு பெண் கலைஞர்களை வைத்து டப்பிங் பேசுவது வழக்கம். ஆனால், சிவகார்த்திக்கேயன் மிகச்சிறந்த மிமிக்ரி கலைஞர் என்பதால், தனது பெண் கதாபாத்திரத்திற்கு தானே டப்பிங் பேச அவர் விருப்பப்பட்டாராம்.
ரசூலின் திட்டம்...
ஆனால், அது சரிப்பட்டு வரவில்லையாம். எனவே, எப்போதும் போல் சிவகார்த்திக்கேயனை சாதாரணமாக பேச வைத்து, பின்னர் அதனை தொழில்நுட்ப உதவியுடன் பெண் குரலாக மாற்ற திட்டமிட்டிருக்கிறாராம் ரசூல்.