மீண்டும் பயமுறுத்த வரும் சிவி 2 - கழுத்து மேல் பேய்

அரசாங்கத்தால் தடை

விஷூவல் கம்யூனிகேஷன் படிக்கின்ற மாணவ, மாணவிகள், பல வருடங்களாக அரசாங்கத்தால் தடை செய்யப்பட்ட ஒரு மருத்துவமனைக்கு ஆய்வு செய்ய செல்கிறார்கள்.காணாமல் போன மாணவ மாணவிகளின் பெற்றோர்கள் போலீசாரிடம் புகார் அளிக்க, போலீசார் சில விசாரணைக்கு பிறகு மாணவ மாணவிகள் சென்ற மருத்துவமனைக்கு தேடிச் செல்கிறார்கள். அங்கு சில வீடியோ ஆதாரம் மற்றும் செல்போன் ஆதாரங்களை கைப்பற்றுகின்றனர்.

விறுவிறுப்பு குறையாமல்

அதை ஆய்வு செய்த போலீசார், அதில் ரத்தம் உறைய வைக்கும் சில சம்பவங்களை கண்டு அதிர்ச்சி அடைகின்றனர். இதன் பின்னணியில் விறுவிறுப்பு குறையாமல் படத்தை உருவாக்கி இருக்கிறார்கள்.

இப்படத்தில் தேங்காய் சீனிவாசன் பேரன் யோகி, சரண் ராஜ் மகன் தேஜா சரண்ராஜ் முதன்மை கதாபாத்திரத்தில் நடிக்கிறார்கள். மேலும் சுவாதிஷா, சந்தோஷ், கிறிஸ்டின், தாடி பாலாஜி, சாம்ஸ், கோதண்டம், காயத்திரி, குமரன் உள்ளிட்டோர் முக்கிய கதாபாத்திரத்தில் நடிக்கிறார்கள்.

ஒவ்வொரு வாரமும்

இப்படத்தின் பர்ஸ்ட் லுக் போஸ்டர் வெளியாகி சமூக வலைதளங்களில் பலருடைய கவனத்தை ஈர்த்துள்ளது.பலவிதமான ஹாரர் படங்கள் தமிழ் சினிமாவின் ஒவ்வொரு வாரமும் வந்த வண்ணம் இருக்கிறது .எத்தனை படங்கள் வந்தாலும் குறிப்பிட்ட சில படங்கள் மட்டும்தான் மக்கள் மனதில் ஆழமாகப் பதிகிறது .

Recommended Video

'வனம்'..'குணம்'...Actor Vetri Interview | Vanam Movie | Anu Sithara | Tamil Filmibeat

கதையம்சம் கொண்ட

பேய் படம்தான் சொல்வதற்கு ஒன்றுமில்லை என்று கடந்து செல்லும் எத்தனையோ சினிமாக்கள் இருக்கும் பட்சத்தில் குறிப்பிட்ட சில படங்கள் வர்த்தக ரீதியாகவும் நல்ல கதையம்சம் கொண்ட படமாகவும் மக்கள் பாராட்டுகளை பெற்று வெற்றி பெறுவது என்பது கடினமாகத்தான் இருக்கிறது. அந்த வகையில் கடும் உழைப்புடன் பயத்தை மட்டும் மையமாக வைத்துக் கொள்ளாமல் மிகவும் அழுத்தமான ஒரு கதையை இந்த படம் கொடுக்கும் என்று நம்பிக்கை தெரிவிக்கின்றனர்.