ப்ரியா பவானிசங்கரின் அழகைப் பாராட்டித் தள்ளிய எஸ்.ஜே.சூர்யா!

உண்மையான ஹீரோ:

இதுகுறித்து அவர் பேசியதாவது, " இந்த படத்தின் உண்மையான ஹீரோ படத்தின் தயாரிப்பு நிறுவனமான பொட்டன்ஷியல் ஸ்டுடியோஸ் தான். சினிமா மீது அவர்கள் வைத்திருக்கும் மரியாதை பாராட்டத்தக்கது.

புலிகளுக்கு வில்லன்:

இந்த படத்தின் கதையை நெல்சன் என்னிடம் சொல்ல வந்தபோது, நீங்களும் ஒரு எலியும் என ஆரம்பித்தார். பல புலிகளுக்கு வில்லான நடிச்சாச்சு, இப்போ போய் எலியோட மோத சொல்றீங்களேன்னு கேட்டேன்.

ஒரிஜினல் எலி:

ஆனால் படத்தின் கதை மிக சுவாரஸ்யமாக இருக்கும். எலி ஒரிஜினலாக தெரிய வேண்டும் என்பதற்காக, கிராபிக்ஸ் எதுவும் செய்யாமல், நிஜ எலியை வைத்தே படப்பிடிப்பு நடத்தினார் இயக்குனர் நெல்சன். அர்ப்பணிப்புடன் பணியாற்றக்கூடிய இயக்குனர் அவர்.

அழகு:

படப்பிடிப்பில் பார்த்ததைவிட திரையில் மிகவும் அழகாக தெரிகிறார் ப்ரியா பவானிசங்கர். இவருக்கு நல்ல எதிர்காலம் இருக்கும். வித்யா பாலன் போல பிரபலமாவதற்கு வாய்ப்புகள் இருக்கிறது.

மேஜிக்கல் மூவி:

மான்ஸ்டர் ஒரு சாதாரண படம் தான். இது பெரிய பிரளயத்தை எல்லாம் ஏற்படுத்தாது. ஆனால் இந்த படம் ஒரு மேஜிக்கல் மூவி. நிச்சயம் உங்களை பரவசப்படுத்தும்", என எஸ்.ஜே.சூர்யா கூறினார்.