எவனும் புத்தனில்லை... ஒற்றைப் பாடலுக்கு கவர்ச்சி நடிகையுடன் கெட்ட ஆட்டம் போட்ட சினேகன்!

சினேகனே எழுதிய பாட்டு

ஒரே ஒரு பாடல் காட்சியில் சினேகன் நடிக்கிறார். இப்படத்துக்காக மரியாமனோகர் இசையில் அவர் ஒரு பாடலையும் எழுதியுள்ளார். அந்தப் பாடலுக்குதான் பூனம் கவுருடன் ஆட்டம் போட்டுள்ளாராம் சினேகன்.
கதை, திரைக்கதை அமைத்து இயக்குகிறார் எஸ் விஜயசேகரன்.

மாணவனின் யுத்தம்

இந்த படம் குறித்து இயக்குநர் எஸ் விஜயசேகரன் கூறியதாவது, "உலகத்தில் பெரும்பாலான உயிரினங்கள் தன் இனத்தை தானே வேட்டையாடி அழிப்பதில்லை. ஆனால் மனித இனத்தில் ஆணுக்குப் பெண் சளைத்தவள் இல்லை என்பது போல் இரு பாலினமும் தன் சுயநலத்திற்காக ஒருவரை ஒருவர் வேட்டையாடி நாகரீகம் என்ற பெயரில் நகரத்தின் ஒட்டு மொத்த சுயநல மனிதக் கூட்டங்கள் செய்யும் அட்டூழியங்களுக்கு எதிராக 6000 அடி உயர மலை கிராமத்தில் வெள்ளந்தியாக வாழ்ந்த இளைஞன் மருத்துவக் கல்லூரி மாணவனுடன் இணைந்து நடத்தும் யுத்தமே எவனும் புத்தனில்லை.

சினேகன்

சினேகன் எழுதி அவரே நடித்த பாடல் காட்சி ஒன்று மலேசியா, சென்னை போன்ற இடங்களில் மிகப் பிரமாண்டமாகப் படமாக்கப்பட்டது. அவருடன் பூனம் கவுர் ஆடினார்.

எதுவும் தப்பில்லை

'எதுவும் தப்பில்லை
எவனும் புத்தனில்லை...' என்ற பாடல் காட்சி இன்றைய இளைய தலைமுறை ரசிகர்களை குறிவைத்து எடுக்கப்பட்டது. இந்த பாடல் காட்சியில் 200 நடனக் கலைஞர்கள் பங்கேற்றனர். மலேசியாவிலும், சென்னையிலும் மிகப் பிரமாண்டமான அரங்குகள் அமைத்து படமாக்கப்பட்டது," என்றார்.