சமூக வலைதளங்களில் சக்தி படைத்தவர்களாக விளங்கும் பிரபல நடிகர்கள்

சூப்பர்ஸ்டார் ரஜினி

திரையுலகில் சூப்பர் ஸ்டாராக விளங்குவது போன்று ட்விட்டரிலும் சூப்பர் ஸ்டாராகத் திகழ்கிறார் நடிகர் ரஜினிகாந்த். சுமார் 22 லட்சத்து 70 ஆயிரம் பேர் ட்விட்டரில் ரஜினியைப் பின்தொடர்கின்றனர். இதுவரை ரஜினி 16 ட்வீட்களை கூட செய்யவில்லை என்பது குறிப்பிடத்தக்கது.

தனுஷ்

மாமனார் ரஜினிக்கு அடுத்த இடத்தைப் பிடித்திருக்கிறார் மருமகன் தனுஷ்.ட்விட்டரில் தனுஷைப் பின் தொடர்பவர்களின் எண்ணிக்கை 20 லட்சமாக சமீபத்தில் உயர்ந்துள்ளது, இதற்காக தனது நன்றிகளைத் தெரிவித்து இருக்கிறார் தனுஷ். எந்த ஒரு செய்தியாக இருந்தாலும் ட்விட்டரில் உடனுக்குடன் பகிர்ந்து கொள்வது தனுஷின் வழக்கம்.

சித்தார்த்

நடிகர் சித்தார்த் இந்தப் பட்டியலில் 3 வது இடத்தைப் பிடித்திருக்கிறார்.17 லட்சத்திற்கும் அதிகமான பேர் ட்விட்டரில் சித்தார்த்தை பின் தொடர்கின்றனர். ட்விட்டரில் சித்தார்த்தின் நடமாட்டம் சற்று அதிகமாகவே இருக்கும்.

சிவகார்த்திகேயன்

ஆச்சரியமாக இந்தப் பட்டியலில் 4 வது இடத்தைப் பிடித்து அனைவரையும் ஆச்சரியத்தில் மூழ்கடித்திருக்கிறார் நடிகர் சிவகார்த்திகேயன். சுமார் 12 லட்சத்திற்கும் அதிகமானபேர் ட்விட்டரில் சிவகார்த்திகேயனை பின்தொடர்கின்றனர்.

மேடிக்கு 5

நடிகர் மாதவன் இந்தப் பட்டியலில் 5 வது இடத்தைப் பிடித்திருக்கிறார். ட்விட்டரில் மேடியை பின்தொடர்பவர்களின் எண்ணிக்கை 11 லட்சத்தைத் தாண்டியிருக்கிறது.

சிம்புவுக்கு 8.84 லட்சம்

நடிகர் சிம்புவை 8.84 லட்சம் பேரும், ஜெயம் ரவியை 7.72 லட்சம் பேரும் பின் தொடர்கின்றனர். நடிகர் சூர்யாவை 4 லட்சத்திற்கும் அதிகமான பேர் பின்தொடர்கின்றனர், இதே போன்று நடிகர் விஜயை சுமார் 3.29 லட்சம் பேர் பின் தொடர்கின்றனர். நடிகர் ஜீவாவைப் பின்தொடர்பவர்களின் எண்ணிக்கை சுமார் 6 லட்சத்திற்கும் அதிகமாக உள்ளது.