குறைவான ஓட்டு.. டிக்கெட் டு ஃபினாலே.. இரண்டுமே இவருக்குத்தானாம்.. அப்போ இந்த வாரம் வெளியேறப் போவது?

காணவில்லை

ஆரி சொன்னது போல இந்த சீசன் பிக் பாஸ் நிகழ்ச்சியில் காணவில்லை என்கிற போர்டு போட்டு போட்டியாளர்கள் தேடிய சோமசேகர், சைலன்டாக இருந்து கொண்டே கடைசி வரை வந்து விட்டார். அர்ச்சனா கேங்கில் சோம் இருந்த போது, உடம்பு முடியாத பேஷன்ட் போலவே செயல்பட்டது குறிப்பிடத்தக்கது.

கடைசி வார கேப்டன்

இதுவரை சோமசேகர் ஒரு முறை கூட கேப்டன் டாஸ்க்கில் போட்டியிட்டு வெற்றி பெற்று கேப்டன் ஆகவில்லை. இந்த வாரம் மீண்டும் நல்லவன் பட்டம் பெற்ற சோமசேகருக்கு கடைசி வாரத்திற்கான கேப்டன் பதவியை கொடுப்பார்கள் என தெரிகிறது. அதே போல, சோம் ஒரு முறை கூட சிறைக்கும் சென்றதில்லை.

நெகட்டிவிட்டி இல்லை

பிக் பாஸ் வீட்டில் ஜித்தன் ரமேஷை போல எதையும் கண்டுக்காமல் இருந்த அடுத்த பிளேயர் சோமசேகர் தான். சோம் ஆடுவது சேஃப் கேம் என தெரிந்ததால் தான் அவரை பாலா வேர்க்கடலை சாப்பிடுறவன் ஃபைனலுக்கு போறான் என்றார். ஆனால், பாலாவை தவிர்த்து யாரிடமும் சோமுக்கு நெகட்டிவிட்டி இல்லை. ஆரியையும் மச்சானாக்கி தப்பித்துக் கொண்டார்.

டிக்கெட் டு ஃபினாலே இவருக்குத்தான்

இந்நிலையில், தற்போது கசிந்த தகவலின் படி டிக்கெட் டு ஃபினாலேவை தட்டிச் சென்றது சோமசேகர் தான். ரியோவும், சோமசேகரும் அதிக புள்ளிகளை பெற்று இருந்த நிலையில், வாக்கியம் டாஸ்க்கில் அதிக புள்ளிகளை பெற்று ரியோவை பின்னுக்குத்தள்ளி சோமசேகர் டிக்கெட் டு ஃபினாலேவை தனதாக்கிக் கொண்டார் என்கின்றனர்.

குறைவான ஓட்டுக்கள்

3வது வாரத்திலேயே ஓட்டுக்கள் குறைவாகி வெளியேற வேண்டிய நிலை ஆஜீத்துக்கு வந்தது. அவரை காப்பாற்ற எவிக்‌ஷன் ஃப்ரீ பாஸை அறிமுகப்படுத்தினர். ரம்யா பாண்டியன், ஆஜீத்துக்காக போராடி அதை அவருக்கு விட்டுக் கொடுத்தார். சம்யுக்தா வெளியேறும் போது டாப்புள் கார்டு வந்தது, அனிதா அவருக்கு பதிலாக சம்யுக்தாவை வெளியேற்றினார். இந்நிலையில், இந்த வாரம் குறைவான வாக்குகளை பெற்றுள்ள சோமசேகருக்கே டிக்கெட் டு ஃபினாலே கிடைக்கிறது. ஆனால், பிக் பாஸ் ஸ்க்ரிப்ட் இல்லை என்று சொல்வது சிரிப்பைத் தான் வரவழைக்கிறது.

பலியாடு ஷிவானி

ரம்யா பாண்டியன் மற்றும் ஷிவானி நாராயணன் குறைவான ஓட்டுக்களுடன் டேஞ்சர் ஸோனில் உள்ளனர் என ஏற்கனவே தகவல்கள் கசிந்து இருந்தன. இந்நிலையில், இந்த வாரம் வெளியேற வேண்டிய சோமசேகருக்கு டிக்கெட் டு ஃபினாலே கிடைத்த நிலையில், ஷிவானி நாராயணனை வெளியேற்றப் போவதாக தகவல்கள் கிடைத்துள்ளன. சிங்கப்பெண் ஷிவானிக்கு குட்பை சொல்ல வேண்டியது தான் போல!