ஜூரிச் திரைப்பட விழாவில் சூது கவ்வும்!

சூதுகவ்வும்

நயன்தாராவுக்கு செலவு செய்த சிம்ஹா... சாப்ட்வேர் என்ஜீனியர் நண்பன், குடிகார ரூம்மேட், ஆள்கடத்தல் விஜய் சேதுபதி என அட்டாகாச காம்பினேசனில் அதிரடி காமெடியை சூது கவ்வும் படத்தில் பரிமாறியிருப்பார்அறிமுக இயக்குநர் நலன் குமாரசாமி.

வசன சரவெடி

சூதுகவ்வும் படத்தின் வசனங்கள் வரிக்கு வரி சரவெடியை கிளப்பியிருக்கும்

''ஃப்ராடுத்தனம் பண்றதுக்கு குருட்டுத் தனமான முட்டாள்தனமும், முரட்டுத் தனமான புத்திசாலித்தனமும் வேணும்!''

'சென்னைக்கு பிளானோட வந்தவன் எல்லாம் திரும்பப் போயிடுறான். பிளான் இல்லாம வந்தவன்தான் ஜெயிக்கிறான்!'' போன்ற வசனங்கள் சில சாம்பிள்தான்.

காசு பணம் துட்டு மணி

படத்தின் பாடல்களும் கூட எளிமையாக அனைவரையும் ரசிக்கவைக்கும் வகையில் அமைந்திருந்தது. காசு பணம், துட்டு மணி... மணி.... இன்றைக்கு பல இடங்களில் பாடப்படும் பாடலாக உள்ளது.

குறைந்த செலவில்

குறைந்த செலவில் வெளிவந்து பலரது பாராட்டையும் வசூலையும் வாரிக் குவித்த ‘சூது கவ்வும்' படம் தமிழ் திரை உலக வரலாற்றில் தனக்கென ஒரு இடத்தை பெற்றது. இந்தப் படம் தற்பொழுது உலக அங்கீகாரம் பெறப்போகிறது.

சர்வதேச அங்கீகாரம்

ஜூரிச் திரைப்பட விழா வருகிற 25ந் தேதி முதல் அடுத்த மாதம் 5ந் தேதி வரை நடக்கிறது. இதில் இந்தியா சார்பில் கலந்து கொள்ள சூதுகவ்வும், பேஸ்ட்ரி, லூசியா, போர்ட் ஆகிய படங்கள் தேர்வாகி இருக்கிறது. இயக்குனர் நலன் குமாரசாமி இதில் கலந்து கொள்கிறார்.

திருக்குமரன் எண்டர்டெயின்மெண்ட் சார்பில் சி.வி.குமார் தயாரித்திருந்தார். சூது கவ்வும் திரையிடப்படும் முதல் சர்வதேச திரைப்பட விழா இது.