விஜய சேதுபதியை மீண்டும் இயக்குகிறார் நலன் குமாரசாமி

சூது கவ்வும் டீம் மீண்டும் இணைகிறது. அந்தப் படத்தை இயக்கிய நலன் குமாரசாமி, தனது புதிய படத்தை விஜய் சேதுபதியுடன் தொடங்குகிறார்.

படத்துக்கு பொருத்தமான கதாநாயகியைத் தேடிக் கொண்டிருக்கிறார்கள். இன்னும் பெயரிடப்படாத இப்படத்துக்கு சந்தோஷ் நாராயணன் இசையமைக்கிறார்.

சூது கவ்வும் மாதிரி ப்ளாக் காமெடிப் படமாக இல்லாமல், இதனை காதல் காமெடி படமாக உருவாக்குகிறார்கள்.

இப்படத்தின் படப்பிடிப்பு ஏப்ரல் 15ம் தேதி தொடங்கவுள்ளது. இப்படத்தை திருகுமரன் எண்டர்டெயின்மெண்ட் சி.வி.குமாரும், ஸ்டூடியோ கிரீன் ஞானவேல் ராஜாவும் இணைந்து தயாரிக்கிறார்கள்.