வருத்தப்படாத வாலிபர் சங்க தலைவரை அடுத்து செயலாளர் வீட்டில் 'குவா குவா'

சென்னை: நகைச்சுவை நடிகர் பரோட்டா சூரியின் மனைவி இன்று காலை ஆண் குழந்தையை பெற்றெடுத்துள்ளார்.

வெண்ணிலா கபடிக்குழு படத்தில் அசால்ட்டாக பரோட்டா சாப்பிட்டு நம்மை அசர வைத்தவர் பரோட்டா சூரி. அவருக்கு வெண்ணிலா என்ற மகள் உள்ளார். இந்நிலையில் சூரியின் மனைவி இரண்டாவது முறையாக கர்ப்பமானார்.

அவர் இன்று காலை அழகிய ஆண் குழந்தையை பெற்றெடுத்துள்ளார். வருத்தப்படாத வாலிபர் சங்க செயலாளரான சூரிக்கு ஆண் குழந்தையும், முன்னதாக சங்க தலைவர் சிவகார்த்திகேயனுக்கு பெண் குழந்தையும் பிறந்துள்ளது என்பது குறிப்பிடத்தக்கது.

சூரி ஜில்லா, மான் கராத்தே ஆகிய படங்களில் நடித்து வருகிறார்.