விஜய்சேதுபதியால் தாமதமாகும் சூரியின் “விடுதலை“ ... கடுப்பான இயக்குநர்!

விடுதலை

விடுதலை படத்தில் கதையின் நாயகனாக நடித்து வரும் சூரி, போலீஸ் கதாபாத்திரத்தில் நடித்துள்ளார். மேலும் விஜய் சேதுபதி முக்கிய கதாப்பாத்திரத்தில் நடித்துள்ள இந்த படத்தில் பிரகாஷ் ராஜ், இயக்குனர் கவுதம் மேனன் உள்ளிட்ட பிரபலங்களும் நடித்துள்ளனர். இப்படத்தில் சூரிக்கு ஜோடியாக பிரபல இசையமைப்பாளர் ஜி.வி.பிரகாஷின் தங்கை பவானி ஸ்ரீ நடித்துள்ளார்.

ஆரம்ப நிலையிலேயே

கடந்த ஆண்டு தொடங்கப்பட்ட விடுதலை திரைப்படம் தற்போது 60 சதவிகித படப்பிடிப்பை மட்டுமே முடிந்துள்ளது. ஆரம்பத்தில் வெற்றிமாறனின் ஆஸ்தான ஒளிப்பதிவாளர் இல்லாதால் படப்பிடிப்பு தள்ளிப்போனது. அதைத்தொடர்ந்து, இயக்குநர் கௌதம் மேனன் வெந்து தணிந்தது காடு திரைப்படத்தில் பிஸியாக இருந்ததால் வெற்றிமாறன் அவருக்காக காத்திருந்தார்.

படுபிஸியின் விஜய்சேதுபதி

இந்த திரைப்படத்தில் முக்கிய கதாபாத்திரத்தில் நடிக்கும் விஜய்சேதுபதியின் கால்ஷீட் கிடைக்காததால் படம் தாமதமாகி வருவதாக கூறப்படுகிறது.பல திரைப்படங்களை கையில் வைத்துக்கொண்டு பிஸியாக நடித்து வரும் விஜய் சேதுபதி தற்போது பேமிலி மேன் வெப் தொடரை இயக்கிய இயக்குநரின் இந்தி படத்தில் நடித்து வருகிறார். இதனால், விடுதலை படத்திற்கு விஜய்சேதுபதி கால்ஷீட் தரவில்லை என்று கூறப்படுகிறது.

கடுப்பான இயக்குநர்

வெற்றிமாறன் விடுதலை படத்தை முடித்துவிட்டு சூர்யாவின் வாடிவாசல் திரைப்படத்தை இயக்க திட்டமிட்டிருந்த நிலையில் விஜய்சேதுபதி தேதி ஒதுக்காததால் அவர் மீது கோபத்தில் உள்ளார் வெற்றிமாறன். விக்னேஷ் சிவன் இயக்கத்தில் உருவாகி உள்ள காத்துவாக்குல ரெண்டுகாதல் திரைப்படத்தின் போது, விஜய்சேதுபதி தேதியை ஒதுக்கவில்லை என்ற குற்றச்சாட்டு எழுந்திருந்தது.