twitter
    For Quick Alerts
    ALLOW NOTIFICATIONS  
    For Daily Alerts

    வழுக்கைக்கெல்லாம் வருத்தப்படலாமா? - ’சொட்டை’ இயக்குநர் இசாக்!

    இன்றைய இளைஞர்களை வெகுவாக வாட்டி வரும் பிரச்னை என்றால் அது இளம் வயது வழுக்கை தான். இந்த பிரச்சனையை தற்போது பாலிவுட்டில் வெளியாகவுள்ள இரண்டு படங்கள் கையில் எடுத்துள்ளன.

    |

    சென்னை: பாலிவுட்டில் வெளியாகவுள்ள பாலா மற்றும் உஜ்தா சமான் ஆகிய இரு படங்களும் இளம் வழுக்கை குறித்த பிரச்சனையை மையமாக வைத்து உருவாகி உள்ளது.

    இதே பிரச்சனையை மையமாக வைத்து தமிழில் தற்போது 'சொட்டை' என்ற தலைப்பில் ஒரு படம் உருவாகி வருகிறது.

    இந்த படத்தை விரைவில் வெளியாகவுள்ள ஜெஸி படத்தை இயக்கியுள்ள முகமது இசாக் இயக்கி வருகிறார்.

    எனக்கு நடிப்பு சொல்லிக்கொடுத்தவர் செல்வராகவன் தான்- அசுரன் தனுஷ்எனக்கு நடிப்பு சொல்லிக்கொடுத்தவர் செல்வராகவன் தான்- அசுரன் தனுஷ்

     வழுக்கை பிரச்சனை

    வழுக்கை பிரச்சனை

    பலருக்கு வாழ்க்கை பிரச்சனையை விட வழுக்கை பிரச்னை தான் அதிகமாக இருக்கிறது. அதிலும் இன்றைய இளம் தலைமுறையினருக்கு வரும் இளம் வழுக்கை பிரச்சனை இன்னும் கொடுமையான ஒன்று. இதனால், பல 90ஸ் கிட்ஸ்களுக்கு திருமணமும் நடைபெறாமல் தள்ளிப்போய் வருவது தான் இதில், வேதனையான விஷயம்.

    பாலிவுட்டில் 2 படம்

    பாலிவுட்டில் 2 படம்

    இந்த இளம் வழுக்கை பிரச்சனையை மையமாக வைத்து பாலிவுட்டில் இரு படங்கள் விரைவில் வெளியாகவுள்ளன. பாலா என்ற தலைப்பில் ஒரு படமும், உஜ்தா சமான் என்ற தலைப்பில் ஒரு படமும் உருவாகி உள்ளது. இதில், வேடிக்கை என்ன வென்றால், இரு படங்களுக்கு இடையே கதை திருட்டு வழக்கும் ஓடிக் கொண்டிருப்பது தான்.

    ஏற்கனவே

    ஏற்கனவே

    பாலிவுட்டில் கடந்த 2011ம் ஆண்டே ‘Hair is Falling' எனும் தலைப்பில் இந்த பிரச்சனை குறித்த படம் வெளியாகி கணிசமான வெற்றியை பதிவு செய்தது. இந்நிலையில், கிட்டத்தட்ட 8 ஆண்டுகள் கழித்து மீண்டும் பாலிவுட்டில் இந்த படத்தின் கதையை தூசி தட்டி எடுத்து வருகின்றனர். காதல், பழிவாங்குதல் போல இளம் வழுக்கை பிரச்சனையை இன்னமும் பத்து ஆண்டுகள் கழித்து கூட எடுக்கலாம் தான்.

    ரீமேக்

    ரீமேக்

    ‘Hair is Falling' படத்தின் அதிகாரப்பூர்வ உரிமையை 2013ம் ஆண்டே இசாக் வாங்கியுள்ளார். ஆனால், நிதி நெருக்கடி காரணமாக இசாக்கால், அந்த படத்தின் ஷூட்டிங்கை தொடங்க முடியவில்லையாம். தற்போது, பாலிவுட்டில் மீண்டும் அந்த கதையின் தாக்கம் தலை தூக்கியுள்ளதால், தமிழில் வேறு யாராவது படம் பண்ணுவதற்குள் தானே இந்த படத்தை பண்ண வேண்டும் என்ற முயற்சியில் இசாக் இறங்கியுள்ளார்.

    வருத்தப்பட தேவையில்லை

    வருத்தப்பட தேவையில்லை

    இளம் வயதில் ஏற்படக் கூடிய வழுக்கை குறித்து வருத்தப்பட தேவையில்லை என்ற ரீதியில் காமெடி கலந்து ‘சொட்டை' படத்தை இயக்கவுள்ளதாக இசாக் கூறியுள்ளார். நிச்சயம் தமிழ் ரசிகர்களிடையே இந்த படத்திற்கு நல்ல அங்கீகாரம் கிடைக்கும் என்றும் தெரிவித்துள்ளார்.

    ஹீரோ யார்?

    ஹீரோ யார்?

    இளம் வழுக்கை குறித்த படத்தில் நடிப்பது மிகவும் சவாலான ஒரு விஷயம். இந்த படத்தில் நடிக்க ஜெமினி ரைக்கர் என்ற அறிமுக நடிகர் ஒப்பந்தமாகியுள்ளார். இவர் ஏற்கனவே முகமது இசாக் இயக்கத்தில் உருவாகியுள்ள ஜெஸி படத்தில் நாயகனாக நடித்துள்ளார். ஜெஸி படம் விரைவில் வெளியாகவிருக்கிறது.

    Read more about: sotta film சொட்ட
    English summary
    Even as Bollywood is keenly awaiting the release of two films on premature balding back-to-back (Bala and Ujda Chaman), Kollywood is all set to get a film on this subject.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X