Click it and Unblock the Notifications
கோச்சடையான் டிரைலர் எப்போது? - சௌந்தர்யா விளக்கம்
சூப்பர் ஸ்டார் ரஜினி நடிக்கும் கோச்சடையான் படத்தின் ட்ரைலர் நாளை வெளியாகக் கூடும் என்று செய்திகள் வெளியாகியிருந்தன.
ஆனால் இதனை ட்விட்டரில் மறுத்துள்ளார் படத்தின் இயக்குநர் சௌந்தர்யா.
இதுகுறித்து ட்விட்டரில் விளக்கமளித்துள்ள இயக்குனர் சௌந்தர்யா, "கோச்சடையான் படத்தின் இறுதிக் கட்ட பணிகள் நடைபெற்றுக் கொண்டிருக்கின்றது. விரைவில் அதன் ட்ரெய்லர் காட்சிகளை வெளியிட இருக்கிறோம்.
ஆனால், 14 ஆம் தேதி ட்ரெய்லர் வெளியாகும் என்று வந்த செய்திகள் வெறும் வதந்திதான். அதே நேரம் இந்த வாரம் தலைவரின் அசத்தலான சில ஸ்டில்களை மட்டும் வெளியிடத் திட்டமிட்டுள்ளோம்," என்று கூறியுள்ளார்.
அதே நேரம், கேன்ஸ் திரைப்பட விழாவில் இந்தப் படத்தின் ட்ரைலரை ரஜினியே வெளியிடுவார் என்பதை அவர் மறுக்கவில்லை.
Continue with Google