கண்ணாடி மாளிகை... இந்த பக்கம் வீடு... அந்தப்பக்கம் ஸ்டூடியோ... ஏ.ஆர்.ரகுமான் ஸ்டைலில் அனிருத்

முத்த சர்ச்சை

இடையில் ஆண்ட்ரியாவுடன் முத்த போட்டோ, பீப் பாடல் போன்ற சர்ச்சைகளில் சிக்கிய அனிருத், இப்போது நல்ல பிள்ளை மற்றும் செல்லப்பிள்ளையாக இருக்கிறார்.

ஏ.ஆர்.ரகுமான் ஸ்டைல்

இந்த அனிருத், இசை அமைப்பாளர் ஏ.ஆர்.ரகுமான் ஸ்டைலை பின்பற்றத் தொடங்கி இருக்கிறார் இப்போது. அதாவது மும்பையில் அபார்ட்மென்ட் ஒன்றில் ஒரு புளோரை மொத்தமாக வாங்கியுள்ள ஏ.ஆர்.ரகுமான், ஒரு பகுதியை வீடாகவும் மறுபகுதியை ரெக்கார்டிங் ஸ்டூடியோவாகவும் மாற்றியிருக்கிறார்.

ரூ.15 கோடியில்

இதே போல அனிருத்தும் இப்போதும் இறங்கியுள்ளார். சென்னை நுங்கம்பாக்கத்தில் உள்ள காதர் நவாஸ்கான் சாலையில் அபார்ட்மென்ட் ஒன்றில் ஒரு தளத்தை, மொத்தமாக வாங்கியுள்ளாராம் அனிருத். இதன் மதிப்பு, ரூ.15 கோடி என்கிறார்கள்.

நவீன ஸ்டூடியோ

இங்கு ஒரு பகுதியில் வீட்டையும், மறுபகுதியில் அதி நவீன ரெக்கார்டிங் ஸ்டூடியோவையும் அமைத்துக்கொள்ள அனிருத் முடிவு செய்துள்ளார் என்கிறார்கள் கோடம்பாக்கத்தில். ஆனால், அனிருத் தரப்பில் இதுபற்றி எந்த தகவலும் தெரிவிக்கப்படவில்லை.