ஸ்பாய்லர் அலர்ட்.. சிங்கப்பெண்ணே பாடலில் இந்த பிரபலம் தான் என்ட்ரி!

மிரட்டும் விசுவல்ஸ்

மெர்சல் படத்தை தொடர்ந்து விஜய்யின் பிகில் படத்திற்கும் ஒளிப்பதிவு செய்துள்ள ஜி.கே. விஷ்ணு ஒவ்வொரு ஃப்ரேமிலும் தனது கை வண்ணத்தை காட்டியுள்ளார். வெறித்தனம் பாடல் மற்றும் சிங்கபெண்ணே பாடலில் வரும் விசுவல்ஸ் விஷ்ணுவின் வித்தைகளை காட்டியுள்ளது. அதேபோல ஃபுட்பால் கிரவுண்டிலும் ஏகப்பட்ட கோணத்தல் காட்சிகளை அமைத்து ரசிக்க வைத்துள்ளார்.

கருணை

எடிட்டர் ரூபன் இன்னும் கொஞ்சம் கருணை காட்டாமல் சில காட்சிகளை வெட்டி இருக்கலாம். 2 மணி நேரம் 59 நிமிட படம் என்பது சில நேரங்களில் சலிப்பை தட்டுகிறது. நயன்தாராவுடன் விஜய் செய்யும் ரொமான்ஸ் காட்சிகள் எதிர்பார்த்த அளவுக்கு இல்லை. அதற்கு இருவரும் பேசும் ஸ்லாங் தான் காரணம் என ரசிகர்கள் தெரிவித்து வருகின்றனர்.

சிங்கப்பெண்ணே சர்ப்ரைஸ்

பிகில் படத்தை இதுவரை பார்க்காதவர்கள் மேற்கொண்டு படிக்க வேண்டாம். ஏனென்றால் இது ஒரு ஸ்பாய்லர் அலர்ட். இணையத்தில் இதன் ஸ்க்ரீன் ஷாட்டுகள் மற்றும் வீடியோ க்ளிப்புகள் வைரலாகி வருவதால், நாங்கள் இதை இங்கே ரிவீல் செய்கிறோம். சிங்க பெண்ணே பாடலில் சர்ப்ரைஸாக என்ட்ரி கொடுப்பது இயக்குநர் அட்லி மற்றும் இசையமைப்பாளர் ஏ.ஆர். ரஹ்மான் தான்.

குருநாதரை போல

இயக்குநர் அட்லி தனது குருநாதர் ஷங்கரை போல முதன் முதலாக பாடலின் போது ஸ்க்ரீனில் தோன்ற ஆரம்பித்துவிட்டார். சிங்கபெண்ணே பாடல் வரலாற்றில் இடம்பிடிக்கும் என நம்பியுள்ள அட்லி, அதில் தானும் இருக்கவேண்டும் என்ற ஆசையில் தோன்றி நடித்துள்ளார். இதற்கு முன் வெளியான எந்த அட்லி படத்திலும் அவர் என்ட்ரி கொடுத்தது இல்லை.