மயிலு மகள் அறிமுகம் இப்போதைக்கு இல்லையாம்...

அமீரின் ரசிகையாம் ஜான்வி....

அதற்குத் தகுந்தாற்போல், அவர்களது வீட்டில் நடந்த படப்பிடிப்புகளில் அவ்வப்போது தலை காட்டினார் ஜான்வி. இதனால் அமீர்கான் படத்தில் அறிமுகமாகிறார் என முதலில் சொல்லப் பட்டது. ஆனால், தான் அமீரின் ரசிகை என்பதால் அவரைச் சந்தித்தேன் என விளக்கமளித்தார் ஜான்வி.

பேச்சுவார்த்தை தோல்வியா..?

அதனைத் தொடர்ந்து, கரண் ஜோஹர் படத்தில் ஜான்வி அறிமுகமாகிறார் என்றும் அதற்கான பேச்சுவார்த்தை நடந்து வருவதாகவும் செய்திகள் வெளியாயின. ஆனால் அதுவும் பொய்த்துப் போனது.

கேப்டன் மகன் ஜோடியாக மயிலு மகள்....

தமிழில் கூட நம்ம கேப்டன் மகன் அறிமுகமாகும் படத்தில் அவரது ஜோடியாக ஜான்வி அறிமுகமாகிறார் என்ற தகவல் காட்டுத் தீயாய் பரவியது. அதனால் தான் படப்பிடிப்பு தாமதமாகிறது எனச் சொல்லப் பட்டது.

நோ ஐடியா....

இந்நிலையில், ஜான்வியை இப்போதைக்கு சினிமாவில் அறிமுகப் படுத்தும் ஐடியாவில் ஸ்ரீதேவி இல்லை என அவரது நெருங்கிய வட்டாரங்கள் தெரிவித்துள்ளன.

பர்ஸ்ட் டிகிரி... அப்புறம் தான் ஆக்டிங்

தற்போது 16 வயதாகிறது ஜான்விக்கு. எனவே, ஜான்வியை மேற்கொண்டு படிக்க வைக்கும் திட்டத்தில் உள்ளாராம் ஸ்ரீதேவி. ஜான்வி தனது பட்டப்படிப்பை முடித்த பின்னர் தான் சினிமா பற்றி சிந்திக்க உள்ளாராம் ஸ்ரீதேவி.