கமலின் விஸ்வரூபத்திற்கு கிராபிக்ஸ் வேலை பார்த்த ஷாருக் கான்!

2006ல் தொடங்கிய ரெட்சில்லீஸ் கிராபிக்ஸ்

2006ம் ஆண்டு கெய்தான் யாதவ் மற்றும் ஹரேஷ் ஹிங்கோரனி ஆகியோருடன் இணைந்து ரெட்சில்லீஸ்.விஎப்எக்ஸ் என்ற தனது கிராபிக்ஸ் பிரிவைத் தொடங்கினார் ஷாருக். மும்பையில் இதன் அலுவலகம் அமைந்துள்ளது.

பிற படங்களுக்கும் கிராபிக்ஸ்

தனது படங்களுக்குரிய கிராபிக்ஸ் பணிகளை இந்த நிறுவனத்தின் மூலம்தான் செய்கிறார் ஷாருக். அது மட்டுமல்லாமல் வெளிப் படங்களுக்கும் செய்து தருகிறார்கள். அதில் பெரிய படமாக கூறப்படுவது விஸ்வரூபம்தான்.

3 மாடிக் கட்டடம் .. பிரமாண்ட டெக்னாலஜி

மிகப் பெரிய அளவிலான அலுவலகமாக இந்த கிராபிக்ஸ் பிரிவை ஷாருக் கான் நடத்தி வருகிறார். 3 மாடிக் கட்டடத்தில் இயங்கி வரும் இந்த நிறுவனத்தில் மாயா உள்ளிட்ட பல்வேறு வகையான கிராபிக்ஸ் தொழில்நுட்பங்கள் கையாளப்படுகின்றன.

இந்தியாவின் முன்னணி கிராபிக்ஸ் நிறுவனம்

இந்தியாவின் முன்னணி கிராபிக்ஸ் நிறுவனமாகும் இது உயர்ந்து நிற்கிறது. ஷாருக் உள்ளிட்ட குழுவினரின் கடுமையான உழைப்பே இதற்குக் காரணம்.
இந்தியாவில் எந்த கிராபிக்ஸ் நிறுவனத்திடமும் இல்லாத பல்வேறு உபகரணங்களை இவர்கள் வைத்துள்ளது இவர்களின் தனிச் சிறப்பாகும்.

சர்வதேச தரத்தில் - ஒரே ஸ்டூடியோ

இந்தியாவிலேயே சர்வதேச தரத்திலான ஒரே கிராபிக்ஸ் ஸ்டூடியோ இது மட்டும்தானாம். ISO - 9001 மற்றும் ISO - 27001 சான்றுகளையும் இது பெற்றுள்ளது.

ரா ஒன் படத்துக்காக புகழ் பெற்றது

ஷாருக்கானின் ரா ஒன் படத்துக்காக இந்த நிறுவனம் செய்த கிராபிக்ஸ் வேலைகள் பெரும் பாராட்டுக்களைப் பெற்றன. அப்படத்தில் மொத்தம் 3500 ஷாட் கிராபிக்ஸ் வேலைகளைச் செய்திருந்தனர் என்பது குறிப்பிடத்தக்கது.