உலகத்தை மிரட்ட வருகிறது ராஜமௌலியின் ஆர்ஆர்ஆர்... 10 மொழிகளில் வெளியாகிறது !

ஆர் ஆர்.ஆர்

பிரம்மாண்ட இயக்குனர் எஸ்.எஸ்.ராஜமௌலியின் ஆர் ஆர்.ஆர் திரைப்படத்திற்கு தமிழில், ரத்தம் ரணம் ரௌத்திரம் என பெயர் வைக்கப்ட்டுள்ளது. இத்திரைப்படம் தமிழ், தெலுங்கு, மலையாளம், கன்னடம், இந்தி என 5 மொழிகளிலும் இயக்கப்பட்டு வருகிறது.

வரலாற்று திரைப்படம்

சுதந்திர போராட்ட வீரர்களான சீதராமராஜு, கொமராம்பீம் ஆகியோர் வாழ்க்கையை மையயமாகக் கொண்டு இத்திரைப்படம் உருவாக்கப்பட்டு வருகிறது. பெரும் வரலாற்றுத் திரைப்படமாக உருவாகி இத்திரைப்படத்தை காண ரசிகர்கள் ஆவலுடன் உள்ளனர்.

ஜூனியர் என்டிஆர்

தெலுங்கின் முன்னணி நடிகர்களான ராம் சரண் மற்றும் ஜூனியர் என்.டி.ஆர் முன்னணி கதாபாத்திரங்களில் நடித்து வருகின்றனர். பாலிவுட் நடிகர்கள் அஜய் தேவ்கன், ஆலியா பட் மற்றும் தமிழ் நடிகர் சமுத்திரக்கனி உள்ளிட்டோர் முக்கியக் கதாபாத்திரங்களில் நடிக்கின்றனர்.

Recommended Video

பிரபல நடிகர் Ambulance Driver-ஆக மாறியுள்ளார் | Arjun Gowda

பல மொழிகளில்

ஜனவரி மாதமே திரைக்கு வரும் என்று பெரிதும் எதிர்பார்க்கப்பட்ட இத்திரைப்படம் கொரொனா 2வது அலையின் தீவிரத்தால் வெளியாவது தள்ளிப்போய் உள்ளது. தமிழ், தெலுங்கு, இந்தி, கன்னடம் ஆகிய மொழிகளில் வெளியாக அறிவிக்கப்பட்டு இருந்தது. இந்நிலையில் இப்படத்தை ஆங்கிலம், போர்ச்சுகீஷ், கொரியா, ஸ்பானிஸ், துருக்கிய ஆகிய மொழிகளில் டப்பிங் செய்து வெளியிட உள்ளதாக தகவல்கள் வெளியாகி உள்ளன.

ஜீ, நெட்பிளிக்ஸில்

ஆர்ஆர்ஆர் படத்தை ஒடிடியில் வெளியிடும் உரிமையை ஜீ மற்றும் நெட்பிளிக்ஸ் நிறுவனம் கைப்பற்றியுள்ளன. தெலுங்கு, தமிழ்,மலையாளம், கன்னட மொழிகளில் ஜீ நிறுவனமும், இந்தியில் நெட்பிளிக்ஸ் நிறுவனமும் வெளியிட உள்ளது. அதேபோல, ஆங்கிலம்,போர்ச்சுகீஷ்,கொரியா,ஸ்பானிஸ், துருக்கிய ஆகிய மொழிகளில் வெளியிட்டு உரிமையை நெட்பிளிக்ஸ் நிறுவனம் பெற்றுள்ளது.