'இப்படை நிச்சயம் வெல்லும்' - மகன் படத்தைப் பார்த்துரசித்துப் பாராட்டிய ஸ்டாலின்!

பாராட்டிய மு.க.ஸ்டாலின்

உதயநிதியின் அப்பா ஸ்டாலின், 'இப்படை வெல்லும்' படத்தையும் தன் குடும்பத்தாருடன் பார்த்து ரசித்துள்ளார். படம் பார்க்க வந்த அவரை தயாரிப்பாளர் ராஜு மகாலிங்கம், இயக்குனர் கௌரவ் நாராயணன் உள்ளிட்டவர்கள் வரவேற்றனர். படத்தைப் பார்த்த மு.க.ஸ்டாலின், 'இப்படை நிச்சயம் வெல்லும்' எனப் பாராட்டினாராம்.

இப்படை நிச்சயம் வெல்லும்

படத்தைப் பார்த்து ரசித்துப் பாராட்டிய மு.க.ஸ்டாலினுக்கு, ராஜு மகாலிங்கம் நன்றி தெரிவித்துள்ளளார். படத்தின் இயக்குனர் கௌரவ் நாராயணன், படத்தைப் பார்த்த மு.க.ஸ்டாலின், 'இப்படை நிச்சயம் வெல்லும்' எனப் பாராட்டியதாக ட்விட்டரில் நன்றி தெரிவித்துள்ளார்.

பெரிய வெற்றி பெறுமா

'ஒரு கல் ஒரு கண்ணாடி' படத்திற்குப் பிறகு அப்படியொரு வெற்றியை இதுவரை உதயநிதி ஸ்டாலின் கொடுக்கவில்லை. அவர் முதல் முறையாக வேறு நிறுவன பேனரில் நடித்துள்ள இந்தப் படத்தையும் மிகப் பெரிய அளவில் விளம்பரப்படுத்தவில்லை.

எச்.ராஜா

இந்தப் படத்தின் ப்ரஸ்மீட்டில் உதயநிதி, எச்.ராஜா மனது வைத்தால் வெற்றிபெற்றுவிடலாம் எனக் கூறியிருந்தார். அதற்கு எச்.ராஜா 'நாங்க உதவினாலும் பிரயோஜனம் இல்லை' எனக் கலாய்த்தார். 'இந்த ப்ரொமோஷனை விட்டுடாதீங்க' என இயக்குநர் கௌரவ் ராஜாவை திரும்ப சீண்டினார். ஸ்டாலின் சொன்னபடி படம் வெல்லுமா என்பது சில தினங்களில் தெரிந்துவிடும்.