நம்மை இணைக்க ஒரு மொழி தேவை.. கமலுக்கு பதில் சொன்ன பிக்பாஸ் காயத்திரி.. பதிலடி தந்த நெட்டிசன்ஸ்!

கோபம்

மேலும், இந்தியா என்பது ஒரு அற்புத விருந்து, அதை கூடி உண்போம். திணிக்க நினைத்தால் குமட்டிவிடும். எங்கள் மொழிக்காக நாங்கள் போராடத் துவங்கினால், அது வேறு மாதிரி இருக்கும். அதன் அழுத்தம் வேறு மாதிரி இருக்கும், என்றுள்ளார்.

என்ன கேள்வி

இந்த நிலையில் கமலின் ''இந்தியா என்பது ஒரு அற்புத விருந்து, அதை கூடி உண்போம்.'' என்ற கருத்துக்கு காயத்திரி ரகுராம் பதில் அளித்துள்ளார். அதில், நாம் விருந்து சாப்பிட வாழை இலை தேவை. நம்மை ஒன்றாக இணைக்க, ஒரு மொழி தேவை, நம்மை அதுதான் தொடர்பு கொள்ள வைக்கும், என்று காயத்திரி ரகுராம் குறிப்பிட்டுள்ளார்.

வேறு என்ன அர்த்தம்

மேலும், இதற்கு அர்த்தம் நாம் நம்முடைய தாய் மொழியை விட்டு செல்ல வேண்டும் என்பது அல்ல. கற்றுக்கொள்வது என்பது திறமை மற்றும் நன்மை பயக்கும், என்றும் காயத்திரி ரகுராம் குறிப்பிட்டுள்ளார்.

வைரல்

இந்த நிலையில் எப்போதும் போல காயத்திரி ரகுராமுக்கு எதிராக பலரும் கருத்து தெரிவிக்க தொடங்கி உள்ளனர். பலரும் நீங்கள் ஏன் இந்தியை ஆதரிக்கிறீர்கள் என்று கடுமையாக அவரிடம் கேள்வி எழுப்பி உள்ளனர். நீங்கள் இந்திக்கு ஆதரவாக, தமிழுக்கு எதிராக பேசுவீர்கள் என்று கண்டிப்பாக தெரியும், என்றுள்ளனர்.

தமிழ் எப்படி

இவர் ''எப்போதும் தமிழ்தான்'' என்று பதில் அளித்துள்ளார்.