சமுத்திரகனி சாம்ராஜ்யம்.. வெல்வோம்னு சொல்லியே மனுஷன் வாழ்கிறார்.. ஏகே61 படத்திலும் முக்கிய ரோலாம்

‘வெல்வோம்' சமுத்திரகனி

சக சினிமா கலைஞர்களுக்கு ஊக்கம் அளிக்கும் விதமாக எப்போதுமே ‘வெல்வோம்' என பேசி வரும் நடிகர் சமுத்திரகனி தொடர்ந்து வெற்றிகளை பெற்று பல பெரிய படங்களில் நடிக்கும் வாய்ப்புகளை அள்ளி வருகிறார். தமிழ் மற்றும் தெலுங்கில் தற்போதைக்கு செம பிசியாக இருக்கும் நடிகர்களில் சமுத்திரகனி முன்னிலையில் உள்ளதாக கூறுகின்றனர்.

ராஜமெளலி படத்தில்

பாகுபலி படத்தில் பிரபாஸுக்கு மாமா கட்டப்பாவாக சத்யராஜ் நடித்திருப்பார். அதே போல ஆர்ஆர்ஆர் படத்தில் ராம்சரணுக்கு மாமாவாக நடித்து அசத்தி இருப்பார் நடிகர் சமுத்திரகனி. ஆர்ஆர்ஆர் படத்தில் சமுத்திரகனிக்கு இன்னமும் சற்று கூடுதலாக வலிமையான காட்சிகளை வைத்திருக்கலாம் என அந்த படத்தை பார்த்த தமிழ் ரசிகர்கள் கருத்து தெரிவிக்கும் அளவுக்கு சமுத்திரகனியின் வளர்ச்சி அபாரமாக உள்ளது.

மகேஷ் பாபுவுக்கு வில்லன்

அலா வைகுந்தபுரமுலோ படத்தில் அல்லு அர்ஜுனுக்கு வில்லனாக நடித்த சமுத்திரகனியை அப்படியே அலேக்காக மகேஷ் பாபுவின் சர்காரு வாரி பாட்டா படத்திற்கும் வில்லனாக போட்டு விட்டனர். கீர்த்தி சுரேஷுக்கு அப்பாவாக நடித்துள்ள சமுத்திரகனி தனக்கு கொடுத்த கதாபாத்திரத்தை கச்சிதமாக நடித்து கொடுத்துள்ளார்.

சிவகார்த்திகேயனுக்கு அப்பா

சிவகார்த்திகேயனுக்கு வில்லனாக ரஜினி முருகன் படத்தில் நடித்து மிரட்டிய சமுத்திரகனி டான் படத்தில் கண்டிப்பான அப்பாவாக நடித்துள்ளார். சமுத்திரகனிக்கும் சிவகார்த்திகேயனுக்கும் ஒரு நல்ல கெமிஸ்ட்ரி டான் படத்தில் வொர்க்கவுட் ஆகி உள்ளதாக ரசிகர்கள் பாராட்டி வருகின்றனர். இந்நிலையில், சமுத்திரகனி அடுத்து யாருடன் நடிக்கிறார் என்பது குறித்த ஹாட்டான அப்டேட் கிடைத்துள்ளது.

Recommended Video

Writer Movie Review | Yessa ? Bussa ? | Samuthirakani | Franklin Jacob| Pa. Ranjith| Filmibeat Tamil

ஏகே 61ல் ஆன்போர்ட்

போனி கபூர் தயாரிப்பில் அஜித் குமார் நடித்து வரும் ஏகே 61 படத்தில் சமுத்திரகனி முக்கியமான கதாபாத்திரத்தில் இணைந்துள்ளதாக தகவல்கள் வெளியாகி உள்ளன. விரைவில் இது தொடர்பான அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது. தொடர்ந்து பெரிய படங்களில் நடித்து வரும் சமுத்திரகனி அஜித் படத்தில் இணைந்திருப்பது அவரது ரசிகர்களுக்கு கூடுதல் மகிழ்ச்சியை ஏற்படுத்தி உள்ளது. வினோதய சித்தம் தெலுங்கு ரீமேக்கையும் இயக்கி வருகிறார் சமுத்திரகனி என்பது குறிப்பிடத்தக்கது.